|
 |
 |
 |
|
رقم المشاركة : ( 1 )
12 - 08 - 2020, 08:44 PM
|
|||||||||||
|
|||||||||||
 زى ما اتكلمنا قبل كدا ان مريم قضت طفولتة جوة الهيكل لحد ما وصلت لسن ١٢ سنة وكان السن دا ماينفعش تقعد فى الهيكل اكثر من كدا خصوصا ان الديانة اليهودية ماكنش فيها نظام رهبنة وهى كانت وهبت نفسها للرب فكان لازم كهنة الهيكل يخرجوها بس للاسف ابوها وامها ماتوا . فا مين ها يرعاها فكروا فى اختيار احد الرجال لرعايتها وانه يتجوزها واحنا عارفين كلنا قصة اختيار وترشيح يوسف النجار لرعاية وخطبة السيدة العذراء بس ها نحكيها بإختصار شديد ان كهنة الهيكل اختاروا من كل سبط رجلا واحنا عارفين ان عدد اسباط اليهود ١٢ سبط فأختاروا ١٢ رجلا اجتمعوا بيهم ودخلوا الهيكل للصلاة بس قبل مايدخلوا الهيكل كل واحد ساب العصاية بتاعتة برة ودخلوا يصلوا كلهم ليلة كاملة وفى تانى يوم حضر كبير الكهنة ليعطى الرجال عصاه ويحدد مين المختار وحصل القصة الشهيرة ان حمامه بيضاء كبيرة كالثلج وقفت على عصايا يوسف النجار وفضلت ترفرف وقت طويل حوالين الهيكل وبعد كدا طلعت للسماء هنا تم اختيار يوسف النجار انة يكمل مع مريم رحلتها على الارض الجواز فى التقليد اليهودى كان بيتم على مرحلتين المرحلة الاولى الخطوبة وهنا الخطيبة بتروح بيت رجلها وتخدمة كازوجة وتتمتع بكل مملتكاتة وتتحمل كل التزاماتة ولكن لايتم بينهم اى علاقة جسدية لمدة سنة كاملة يعنى بتكون زى امانة عند رجلها وبعد السنة دى يتم عقد زواج رسمي بعمل حفلة كبيرة يجتمع الاقارب واعلان زوجهما بعقد الزواج علشان كدا كنا بنقول مريم امرأة يوسف رغم انها كانت مخطوبة لة فقط تعالوا نتكلم شوية عن يوسف النجار اللى الحقيقة المعلومات عنة قليلة ومش واخد حقة فى الكلام عن سيرتة تعرفوا ان يوسف رفض خطوبة العذراء ؟ ايوة رفض الخطوبة دى لسببين السبب الاول كبر سنة وان عمرة مايسمحش انة يكون زوج مسؤل عن فتاة شابة والسبب الثانى انة كان فقير لانة حرفتة كانت يدوب بتسدد احتياجاتة بالعافية لكن طبعا وافق فى النهاية انة يستلم السيدة العذراء كاخطيبة لة يوسف كان سنة فى الوقت دا فوق التسعين انتوا عارفين المجتمع المصرى بيريح الراجل بعد عمر الستين لان صحتة مابقتش تقدر على الخدمة لكن من حظ يوسف حبيبنا انة بداء خدمتة وهو فوق التسعين وشاف مخاطر ومطاردات وعصابات ولصوص يهجموا علية زى ماهانعرف فى الحلقات القادمة يوسف كان من نسل داود الملك يعنى كان حفيد الملوك ورغم ذالك كان راجل فقير حتى مهنتة كانت بتعتبر من الحرف الفقيرة فى اليهودية بل كانوا بيتعاملوا مع النجارين بشيء من التقليل يوسف اختار ان يعيش حياتة كلها بتول زى ما العذراء مريم اختارت تعيش حياتها بتول ودا من اهم الاسباب اللى ربنا جمع بينهم اومال اية حكاية اولاد يوسف ومنين عندة اولاد ومنين الراجل كان بتول من عادات اليهود ان الست المتجوزة لو جوزها مات ولاده بيتم نسبهم لااخوة والمفجاءة بقا ان اخو يوسف النجار كان اسمة كلوبا حد فاكر الاسم دا ؟ ارجعوا للحلقة رقم ٢ وهاتعرفوا ان كلوبا دا كان زوج مريم اخت العذراء ولما عم كلوبا مات ولادة نسبوا الى يوسف النجار يعنى ولادة بالتبنى اللى هما يعقوب ويوسي وسمعان ويهوذا زى بالظبط لما هو يعتبر ابو يسوع بالتبنى الالهى 🙂 اهم الاربع اخوات دول يعتبروا كدا ولاد خالة السيد المسيح وفى نفس الوقت ولاد عمة كلوبا اخو يوسف واحنا قولنا ان ولاد الخالة واولاد العم بياخدوا لقب الاخوة علشان كدا كانوا بيطلق عليهم اخوة يسوع وخرجت مريم من الهيكل فى رعاية يوسف النجار بعض الكتب بتقول ان العقد بين يوسف ومريم كان عقد زواج رسمي ولكن بكامل بتوليتهم بس انا الصراحة مش متاكد من المعلومة دى بس قولت اكتبها للامانة الكتابية يوسف كان عارف اخلاق مريم كويس اوى وعارف طلباتها وفرح وشكر ربنا لكن بعد كام شهر من استلام العذراء مريم حصل حاجة خلت يوسف فى صراع شديد مع نفسة وحزن والم رهيب خطيبتة حامل 😯 فى الحلقة الجايه هانعرف يوسف كان هايعمل اية قبل مايعرف سر الحمل دا وبكدا انتهت حلقتنا انهاردة 
|
 |
|
| قد تكون مهتم بالمواضيع التالية ايضاً |
| الموضوع |
| مسلسل مريم الحلقة (14) الحلقة الأخيرة ثيؤطوكوس |
| مسلسل مريم الحلقة (13) نور من قبور |
| مسلسل مريم الحلقة (12)من مصر الي الناصرة |
| مسلسل مريم الحلقة (11) قصص وعجائب في أرض مصر |
| مسلسل مريم (الحلقة الاولي) |
العرض العادي
