|
 |
 |
 |
|
رقم المشاركة : ( 1 )
02 - 08 - 2020, 10:25 AM
|
|||||||||||
|
|||||||||||
 بص يارب.. عاوز ترمينى في جب الأسود يبقي لازم ترسل ملاكا يسد افواهها .. "إِلهِي أَرْسَلَ مَلاَكَهُ وَسَدَّ أَفْوَاهَ الأُسُودِ فَلَمْ تَضُرَّنِي عاوز تلقينى في اتون النار.. خاضع .. بس تتفضل حضرتك تمشي معايا وسطها «هَا أَنَا نَاظِرٌ أَرْبَعَةَ رِجَال مَحْلُولِينَ يَتَمَشَّوْنَ فِي وَسَطِ النَّارِ وَمَا بِهِمْ ضَرَرٌ، وَمَنْظَرُ الرَّابعِ شَبِيهٌ بِابْنِ الآلِهَةِ»." (دا 3: 25) عاوزنى احارب المديانين.. يبقي تخش الحرب معايا و يبقي "سَيْفٌ لِلرَّبِّ وَلِجِدْعُونَ.. عاوز تمنع المطر سنين براحتك بس توفر لى غراب يوصلى خبز و لحم صباحا و مساءا و اشرب من النهر او ارملة تعولنى بكوار الدقيق و كوز الزيت عاوز تحطنى في السجن.. اخش.. بس لازم تبعت ملاك يحررنى و يفتح أبواب السجن و يهربنى اتاخرت انك تجينى و اتعمدت تعمل كده لغاية ما انتنت في قبرى و خطيتى... يبقي تيجى و تقول بصوت عظيم هلما خارجا.. الزمتنى اخش السفينة و انت عارف ان البحر هيهيج و شايفنى معذب في الجذف... "وَلِلْوَقْتِ أَلْزَمَ تَلاَمِيذَهُ أَنْ يَدْخُلُوا السَّفِينَةَ وَيَسْبِقُوا إِلَى الْعَبْرِ، إِلَى بَيْتِ صَيْدَا، حَتَّى يَكُونَ قَدْ صَرَفَ الْجَمْعَ."... (مر 6: 45-52) يبقي كمل القصة و لو في الهزيع الرابع و تعالى اصعد السفينة و البحر يهدأ مش بس كده .. معلش سورى.. ده انا اصلا ما فياش حيل اجدف بعد ما سبتنى لآخر الليل فمعلش عاوز تعوضنى عن التعب و اللى فات "فَرَضُوا أَنْ يَقْبَلُوهُ فِي السَّفِينَةِ. وَلِلْوَقْتِ صَارَتِ السَّفِينَةُ إِلَى الأَرْضِ الَّتِي كَانُوا ذَاهِبِينَ إِلَيْهَا." (يو 6: 21).. و لو ناوى تسيب الموج عالى مشينى زى بطرس على المية.. اصل حجيبها لك يارب على بلاطة.. انا لوحدى كده هالك هالك ما فيش كلام .. صدقنى عمال اجيبها يمين اجيبها شمال مش لاقي لها مخرج.. مخرجى الوحيد معيتك.. معيتك ضمانى.. ادونى يسوع و ارمونى في البحر ارمونى في الجب ارمونى في اتون النار ارمونى في القبر. . مش مهم.. المهم معيتك ووجودك في حياتى .. و دى مش مرهونة طبعا بخطيتى و لا زبالتى و لا ضعفي و لا حقارة شكلى و روحى او انى جاى من كورة بعيدة بريحة الخنازير و لا متجرح زى اللى لقاه السامرى.. دى مرهونة بمحبتك و قلبك الحنين اوى و ابوتك .. معلش يعنى لما الاب العادى اللى في الجسد يبقي عنده ابن عاق صحيح بيبقي مهموم و متكدر بيه و كاسر فرحته بس ما بيرمهوش بيحاول يعدله و يفضل ماشى وراه يلم .. و انت ابوتك فوق البشر حتدور وشك عن ابنك..؟! ما هو سورى انا أسمى مكتوب على اسمك.. ده واقع.. يوم ما اعتمدت اسمك دعى عليا و بقيت اقولك يا ابويا.. يبقي ايه؟! حتتبرأ منى. . حترمينى.. اهون عليك؟! طب حيقولوا ايه.. رمى ابنه. . حتشمت عدوى فيا. . ياسيد عد و استجب.. من أجل اسمك القدوس الذى دعى علينا.. انا حافظها من صغرى.. من أجل اسمك الذى دعى علينا. . خصوصا انك عارف ان اثامى و نجاساتى مش عناد و لا قلة حب ليك.. ابدا.. انا بحبك.. بس ضعف.. قلة حيلة.. خوف.. ارتباك.. تسيبنى يعنى ؟! و لا تطمنى و تتوبنى و ترد نفسي و تهدينى لسبل البر و إلى مياه الراحة توردنى.. شوف ياسيد.. اعمل مابدالك بس بشرط تفضل معايا.. معيتك و اسمك برج حصين.. معيتك ضامن للحياة.. ما انت الحياة.. ياسيد لا تحجب وجهك عنى و اسمع صراخى ياسيدى..في ضيقى دعوت الرب فاستجابنى.. 
|
|
04 - 08 - 2020, 08:45 PM
|
رقم المشاركة : ( 3 ) | ||||
|
..::| الإدارة العامة |::..
|
رد: اعمل مابدالك بس بشرط تفضل معايا
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اعمل الصح | أيوة يعنى اعمل ايه |
| شكرا انك معايا النهارده كنت معايا امبارح هتكون معايا بكرة |
| انا بتمني تفضل معايا لوحدي |
| اعلم ان كل شئ تفعله في حياتي هو لمصلحتي و اعلم ان تدبيرك يفوق كل العقول |
| وعد بشرط |
العرض العادي
