من الحاجات اللي بتبهرني في شخصية يسوع .. انه دايماً .. شاري 🤩❤🤟🏻😘
مريم المجدليه قصاد القبر .. معرفتوش .. فضل يكلمها وتكلمه وهي فاكراه الجنايني .. مزعلش .. مقلش ازاي معرفتنيش .. ولا هان عليه يسيبها في حيرتها .. انما ناداها بأسمها .. نده عليها بطريقة هو بس اللي بيناديها بيها والطريقه دي هي عارفاها .. وعرفته .. !😊❤
بطرس .. رغم انه انكره .. لا وكمان رمي دعوته ورجع يصطاد سمك .. يسوع مقلش ده ضعيف وباعني عند اول تجربه وزي ما انكر انه يعرفني انا كمان مش عايز اعرفه .. مقلش ده مش بس غلط انما كمل ورجع لحياته القديمه .. انما راحله .. عاتبه .. رجعه تاني .. !😍👌🏻
توما .. اللي شك ومكنش مصدق انه قام .. اي حد مكان يسوع كان هيقول خلاص هو حر .. عنه ماصدق .. لكن يسوع لا .. راحله .. طبطب عليه .. خد ايده وحطها علي جروحه .. وقاله شوف بنفسك .. واشتراه .. !😊🌺❤
ده يسوع .. اللي بيروح .. ويشتري .. عمره ما باع .. عمره ما رمي طوبتي .. بس هو ايه الجديد .. ماهي مش اول مره يشتري .. ❤
30 - 07 - 2020, 09:21 AM
العرض العادي
