|
 |
 |
 |
|
رقم المشاركة : ( 1 )
16 - 07 - 2020, 08:16 AM
|
|||||||||||
|
|||||||||||
 هل تعلم ان بولس وبطرس كان فيه بينهم خلافات ؟ هل تعلم ان الخلاف كمان في التعليم ؟ هل تعلم انهم بولس وبخ بطرس رغم ان بطرس عاش مع السيد المسيح ٣ سنين وبولس لم يختبر ذلك ؟ لكن هل تعلم : • ان كل حد فيهم خد طريق لوحده واعتزل التاني وركز في خدمته وفي الهدف الكبير اللي قدامه .. • محدش فيهم فكر يحول الموضوع لمعركة ومناظرات . • محدش فيهم فكر يعمل لنفسه حزب ويحذر من التاني . • محدش فكر ينهش ويقطع في التاني تحت مسمي حماية العقيدة والتعليم . • محدش فيهم عمل اجتماعات ومؤتمرات يخرج التاني مهرطق وبيعلم غلط . • ان القديس بطرس بكل إتضاع خضع لتصحيح بولس . ده ليه ؟ • لان الاتنين كانوا مركزين علي هدفهم الرئيسي الكرازة برسالة الانجيل و الخلاص بفداء المسيح . • الاتنين كان قلبهم علي الكنيسة جدا ويخاف الناس تضيع والكنيسة تنقسم وتضعف بسبب خلافهم . • ولان كل حد فيهم كان متأكد جدا ان التاني قد ايه بيحب المسيح جدا وأمين له بكل قلبه . •• الاتنين قدموا نموذج رائع وواقعي .. ان الخلاف امر طبيعي بين البشر .. لكن اللي مش طبيعي هو التخوين والنهش في الاخر .. والاتنين كملوا رسالتهم بشكل عظيم وجه اليوم اللي الكنيسة تحتفل بيهم في نفس اليوم . دول الناس اللي حافظوا الكنيسة .. ودول حماة الايمان بجد .. دول اللي برغم خلافهم لكن قدموا محبة عملية للمسيح وكنيسته ان باتضاعهم حافظوا علي وحدة الكنيسة بدون ما يدوا فرصة لابليس انهم ينهشوا في بعض ويمزقوا الكنيسة . دول اللي كانوا راقيين جدا في خلافهم .. دول اللي اشتغلوا في البناء مش في النقض او الهدم .. دول اللي اختلفوا بس راحوا مع بعض السما ووراهم جيش من المخلصين . دول اللي علمونا يعني ايه يكون الخلاف راقي و بناء . دول اللي رغم خلافهم بنحتفل ونفخر بيهم في يوم واحد 
|
 |
|
العرض العادي
