|
 |
 |
 |
|
رقم المشاركة : ( 1 )
30 - 06 - 2020, 10:05 AM
|
|||||||||||
|
|||||||||||
 لا تخف من الارتباط بامرأة قوية فقد تكون يوما جيشك الوحيد " بشوف المقولة دي منتشرة جدا وخاصة علي صفحات البنات ومعاها صورة الفيديو الموضوعة اسفل الكلام ، وهي مقولة رائعة جدا لكن شايف اننا محتاجين نفهم معني المرأة القوية علشان نفهم اكتر الجملة . وخصوصا ان في مجتمعنا عندنا لغط كبير بين مفهوم "الشخصية القوية" و "الشخصية الصعبة" فمثلا لما تلاقي مدير في شركة بيعنف موظفيه وسريع الغضب وصوته دايما عالي يتقال "شخصيته قوية" في حين ان دي ولا قوية ولا حاجة دي ضعيفة جدا وهشة واسمها الحقيقي "شخصية صعبة" . كذلك بين البنات قد تجد كثير من البنات تجيد العند الشديد و الاسلوب العنيف والنبرة الحادة وتجدها تقول "انا شخصيتي قوية " ومين قال ان دي القوة ؟! ولا الشخصية القوية !! المراة القوية هي اللي بتقدر تسند في اصعب الاوقات . المراة القوية هي اللي عارفة ان قوتها في رقتها . المراة القوية هي اللي بتقدر تغفر وتسامح وتعفو كل يوم . المراة القوية هي اللي تعرف تقول "لأ" قصاد كل باطل . المراة القوية هي اللي بتعرف امتي تتعامل بكامل انوثتها وامتي تكون حكيمة جدا وهي بتتعامل في مجتمع صعب . المراة القوية هي اللي بتقدر تحتمل اصعب الظروف . المراة القوية اللي اسلوبها هادئ وبتقدر تسيطر علي انفعالاتها . طب والرجل القوي ؟! نفس المواصفات . اللي عايز اقوله خلينا نحط المسمي صح .. لما تشوف مدير هادئ ناجح مهذب قائد قادر يسند اللي حواليه و يقود عمله بنجاح وسلام بدون ما يعنف حد (ده شخصية قوية) لما تشوف امراة بنفس المواصفات هي امراة قوية . باختصار كفي ان نطلق علي الشخصية الصعبة العنيفة السليطة ب "الشخصية القوية" فهي شخصية ضعيفة غير مرممة من الداخل وليست قوية . 
|
 |
|
| قد تكون مهتم بالمواضيع التالية ايضاً |
| الموضوع |
| دبورة امراة قويه مباركة |
| وراء كل امراة قويه هو الله |
| انا قويه بيه هو وبس |
| كونى قويه |
| الحرب قويه |
العرض العادي
