فتيات يروين تجربتهن مع الرقم المجهول

[Mary Naeem]

فتيات يروين تجربتهن مع الرقم المجهول


حالة من القلق والغضب أسفرت عنها واقعة "تليجرام" المنصورة، عقب اختراق أحد الأشخاص هواتف العديد من فتيات وسيدات المدينة، ونشرها على إحدى القنوات بشكل مخل، ما دفع قوات الأمن للبحث عنه.
وسرعان ما انتشر على مواقع التواصل الاجتماعي، رقم هاتف، باتت الفتيات يحذرن بعضهن البعض من كونه رقم اختراق لهواتفهن بمجرد الرد عليه.
فتيات يسردن ردود أفعالهن على الرقم
تقول "ندى. ع" 21 عاما: "لما رن عليا لاقيته متسجل على التروكولر باسم محمد خلف، خفت لأني حسيت إنه فعلا رقم الهاكر اللي بيقولوا عليه".
وتابعت "منة. أ": "أول ما رن عليا قفلت التليفون على طول خفت افتح يكون فعلا زي ما بيقولوا وباخد صوري ومعلومات عني".
ومن جانبها أشارت "آية. م"، إلى "أن الأمر لا خوف منه حيث وجدته عرض من إحدى شركات المحمول".
واختلفت الفتيات حول ردود أفعالهن، فمنهن من انتابهن الخوف لتصديقهن أمر الاختراق، ومنهن من وجد أن لا يوجد شيء يسهل الاختراق من خلال مكالمة تليفون.
خبير أمن المعلومات يوضح الأمر:
في هذا الصدد، رد خبير أمن المعلومات محمد عبد الباسط، عبر حسابه الرسمي على موقع التواصل الاجتماعى فيس بوك، على الأمر، قائلا: "بمناسبة موضوع أن حد يخترق تليفونك بمجرد إنه يرن عليك، الموضوع فى مجملة بشكل تقنى "وارد" ومش مستحيل تقنياً".
وأوضح "عبد الباسط": "إنه يترن عليك عن طريق مكالمة تليفون عادية فهنا (بيرن عليك من خلال الاتصال العادى ودا معناه رقم بيتصل برقم والوسيط هو شركة شبكة الاتصال)، وهنا أنت محتاج تبقى على علم بثغرات موجودة فى بروتوكولات الاتصالات المستخدمة بواسطة "الوسيط" اللى هو شركات الاتصالات نفسها ومحتاج تمرر حزمة اتصالات محرفة انت كمهاجم المتحكم فيها" من الشركة دى لتليفون مستقبل المكالمة دا طبعا مع معرفتك هو إيه التليفون اللى بيستخدمه مستقبل المكالمة بالظبط وايه نظام التشغيل اللى عليه وازاي نظام التشغيل دا بيتعامل مع المكالمة فور وصولها وثغرات تبقى فى الخدمات اللى شغاله على نظام التشغيل، وإنك تتخطى حمايات نظام التشغيل نفسها للوصول لموارد التليفون".
وتابع: "الثغرات تمنها ممكن يوصل لملايين الدولارات دا شيء يخلي الموضوع صعب ومجرد هراء لأن شيء زى ده مينفعش حد يستخدمه كده بدون هدف"، مستطردا: "الموضوع ممكن يحصل مش بس بمكالمة، لا ممكن بـ sms أو mms كمان وبدون ما تفتحهم وأحيانا بدون ما تلاحظ ان تليفونك استلمها أى منهم".
وعن ذعر الفتيات ومشاركتهن الأمر، اختتم قائلا: "لازم كدا من فترة للتانية يطلع هاجس وحاجات ملهاش أى أساس من الصحة تفضل الناس تشيره بدون وعي لمجرد خوفهم من شيء مش فاهمينه، أرجوكم تبطلوا مشاركة".


هذا الخبر منقول من : هن