زوّادة اليوم: جرس الإنذار : 10 / 6 / 2020 /

[souad jaalouk]

زوّادة اليوم: جرس الإنذار
في بيوت بيكون فيها جهاز انذار للحريق بيطلع صوت زمّور خطر لمّا يكون في نار حتّى ينبّه السكّان. بيخبرو عن بيت من هالبيوت العيلة فيه كل واحد منّن بيضَلّ بأوضتو ماسك تلفونو، قليل تا يحكو مع بعضن...تعبت الأم من هالوضع، ولّعت ورقة و قرّبت عا جهاز الإنذار اللي اشتغل و طلعو كل واحد من زاويتو ركض حتّى يطفّو النار! وصلو عالصالون لقيو الأم قاعدة و ما في شي! قالتلن: معقول ما بتجتمع هالعيلة الّا ما يكون في شي مصيبة!...فهمو كلّن المقصود و قالولها انّو معها حقّ صرلن زمان بعاد و من ورا هالدرس تغيّر روتين حياتن كلّو!..الواحد ما بيعرف قيمة جمعة العيلة الّا ما يفقدها، ما تخلّو شي يلهيكن عن اكتر ناس بيحبّوكن و قراب إلكن، استفيدو من كل لحظة سوا...اليوم بإيدنا بس بكرا لأ...يا رب تحفظ كل العيل مجموعة و الله معكن!

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب