الموضوع هينتهي من فوق بكلمه من الله

[walaa farouk]

بفكر_بصوت_عالي
اللي مات بالكورونا ، لو مكانش الفيروس موجود كان هيموت بأي سبب تاني .

• كل يوم قبل الكورونا كنا بنصحي علي اخبار وفيات لكبار وصغيرين .

• الموت والحياة اكبر حاجتين مافهومش عبثية وبيكونوا تحت سلطان الله تماما ، سواء ان شخص يدخل للحياة او يخرج منها فده متحدد بالثانية (ماعدا ان الانسان يعبث بحياته) .

• في نفس الوقت ماينفعش نشوف شر بيحصل ونفوس بتتقتل ونقول كله بإرادة الله .. لازم نقف وقفة جادة زي النبي نحميا لما شاف النفوس بتتقتل ماقالش ارادة الله او خير .

• الكورونا شر .. مش بركة ولا اكليل
شر ولازم ككنيسة نقف بصراخ وصلاة وصوم ملناش اي طلبة غير ان الله يحول هذا الشر الي خير .

• مش قادر اشوف اي ايجابيات لزمن الكورونا
طول ما فيه بيوت قلبها بيتوجع كل يوم لنفس السبب
، او ناس اكل عيشها اتقطع او قل .

• فتح البلد والكنايس والمساجد
مش هيبسطني لكن هيزعجني جدا طول ما الفيروس بيتوغل وينتشر .. وكأننا بنحاول نتجاهل الكارثة ونعمل مش واخدين بالنا ونسيبه يتفخم بصورة اشرس .

• مصدق جدا ان الموضوع هينتهي من فوق .. بكلمة من الله ، كما قال المسيح كلمته للبحر "ابكم" فسكتت الرياح والامواج .

"عَلَى أَسْوَارِكِ يَا أُورُشَلِيمُ أَقَمْتُ حُرَّاسًا لاَ يَسْكُتُونَ كُلَّ النَّهَارِ وَكُلَّ اللَّيْلِ عَلَى الدَّوَامِ. يَا ذَاكِرِي الرَّبِّ لاَ تَسْكُتُوا،" (إش 62: 6)

[Mary Naeem]

ياااااااااااااااارب

[walaa farouk]

ميرسى على مرورك الغالى