هتستفيد ايه ؟
الجملة دي ممكن تقابلها كتير في حياتك ..
مثلا قررت تبدأ كورس معين
تلاقي واحد بيقولك و هتستفيد ايه بقي !
فتحس انك احبطت فجأة.
او مثلا في وظيفة بدأت فيها أو مجال شغل خاص أو خدمة
فتلاقي حد بيقولك و هتستفيد ايه ..
الجملة دي بتخليك تبدل حماسك و شغفك
و طاقتك الايجابية بطاقة تانية محبطة و سلبية و تهد من طموحاتك.
انا هقولك علي حاجة ..
اتفه شئ بتمارسه .. شوف اتفه شئ
حتي لو أول مرة بتشق بطيخة 😂
لكن انت اكتسبت خبرة انك تعرف تقطعها ..
اي حاجة انت بتعملها في حياتك بتكتسب منها خبرة ..
حتي تعاملاتك مع البشر العادية بتاخد منها خبرة
في فهم الناس و تكوين علاقات ..
فأوعي حد يحبطك .. أي حاجة بتعملها بتعلمك ..
اي شغل بتشتغله حتي لو بسيط هيدفعك لقدام .
. اي مجال خاص دخلته حتي لو فشلت انت خدت خطوة جديدة ..
حتي الكلام اللي بنتكلمه مع بعض بيزودنا معلومات ..
أهم حاجة انك تبدأ ..
و أفهم انك لازم هتستفيد ..
