من اجلهم قدس انت ذاتك

walaa farouk · رقم المشاركة : ( 1 ) 22 - 05 - 2020, 08:55 AM

عزيزى الخادم ... عزيزتى الخادمة 👇🏻
من فضلكم خدوا بالكم انتم قدوة ...
قدوة ومثال حقيقى مش مجرد ( تمثيل الفضيلة ) ،
يعنى ما ينفعش ولادك مثلاً يشوفوك حاطط اغانى
او كوميكس عالمية اوفيديوهات سخيفة على الميديا ؟؟
وترجع تكلمهم عن الحشمة والترانيم والالحان والتسبحة !!
أو يشوفوك بتهزر مع اختك هزار غير لائق وترجع تكلمهم عن الوقار والاحترام ؟!!
طب ينفع ولادك يشوفوك منشغل ومهتم اوى بمسلسلات
واغانى واعلانات وشاغل بالك مين عمل ايه ؟
وترجع تكلمهم عن : مفتدين الوقت ؟
ينفع تقولهم صلوا وانت مابتصليش ؟
أو تقولهم صوموا وحضرتك بتفطر اربع وجمعة ؟
طب ينفع تبقى غير امين فى نقاوة جسدك
وفكرك وتقف تكلمهم عن العفة والطهارة ؟
ينفع يشوفوك مختلف مع الاكليروس ورموز الكنيسة
بأسلوب غير لائق ؟ وترجع تكلمهم عن احترام الكنيسة والكهنوت ؟
أو بتجيب سيرة حد وتدينه قدامهم ؟ او تشتم او تحلف
او تكدب قدامهم وبعدين ترجع تكلمهم عن خطايا اللسان !!
ينفع يشوفوك بتكره اخوك الخادم اللى معاك
وبعدين تقف تكلمهم عن المحبة !!
طب ينفع تحضر خدمتك من غير ماتحضر قداس وتتناول .
وترجع تكلمهم عن التبكير ف القداس والافخارستيا ؟؟
طب لما يشوفوك مالى الفيس بوك بوستات ورع وتقوى ونصائح روحية وبعدين يتعاملوا معاك يلاقوا حياتك عالمية بحتة بلا روح ؟
اخى الخادم ... اختى الخادمة ...
جاهدوا ان تكون قدوة وصورة حلوة للمسيح امام الله
وامام ولادكم وامام كل الناس لئلا يقع عليكم ويل العثرة القائل ؛
ويل_لذلك_الانسان_الذى_به_تأتى_العثرة
من_أجلهم_قدس_انت_ذاتك كى تكون بلا لوم امام الله
وًاوعى تعلّم بحاجة ماتكونش انت بتعملها
او ع الاقل ( تكون بتجاهد فيها ) لأن
من_عمل_وعلّم_يدعى_عظيماً_فى_ملكوت_السماوات 🙏

Mary Naeem · 22 - 05 - 2020, 10:42 AM

مشاركة جميلة جدا
ربنا يبارك حياتك

walaa farouk · 22 - 05 - 2020, 10:30 PM

ميرسى على مرورك الغالى من اجلهم قدس انت ذاتك