زوّادة اليوم: ضعفك حتّى تتغلّب عليه مش حتّى تتحجج فيه : 20 / 5 / 2020 /

[souad jaalouk]

زوّادة اليوم: ضعفك حتّى تتغلّب عليه مش حتّى تتحجج فيه

اكتر حجّة منقولها لربنا كل ما غلطنا: سامحنا يا رب نحنا ضعاف! كتير اوقات منتخبّى ورا ضعفنا البشري بس بتعرفو شغلة، اذا منجي نفكّر ما في انسان ضعيف بالمطلق، في انسان مَنّو عارف نقط قوتو! شو رأيكن من اليوم نبلّش نفتّش عا نقط قوّتنا و نستثمر فيهن و نشوف نقط ضعفنا و نشتغل حتّى نقوّيهن، ممنوع حدا بقا يقول انا ضعيف!
في قول منسوب لمار شربل و بغض النظر اذا كان عنجد قالو او لأ بس اكيد بيوافق عليه هوّي و كل القدّيسين: "ضعفك حتّى تتغلّب عليه مش حتّى تتحجّج فيه ..." الله معكن