استاذ بق

[walaa farouk]

صدق اللي قال "من تدخل فيما لا يعنيه سمع ما لا يرضيه" !!

و ياما ناس حاشرة نفسها فيما لا يخصها ،
و تدخلها ده تاعبها و تاعب اللى حواليها ..

واحد كل ما يلاقي حد بيتكلم لازم يقول رأيه بسبب
و بدون سبب ، في الموضوع أو بره الموضوع
، في غير المفيد و المفيد ، اتسأل أو ما اتسألش ..

هو ما يعرفش يقعد ساكت ابدا ، شخصيته في "بقه"
، و قيمته أن الناس تسمعه و تحترم رأيه اللي غالبا قاله
و ما فكرش فيه ، يعني طلعه من بقه قبل ما يطلعه من عقله ..

و لانه "بق" عاوز يعارض اي رأي علشان يثبت انه علي طول صح
و أن كل آراء الناس غلط ..

و لانه مندفع ورا مشاعره، حتي لما بيكتشف ان رأيه غلط
يقعد يدافع عنه لغاية ما يوصل اللي قدامه انه لا يسمع
ه دلوقتي أو بعدين ، و يتجنب مناقشته أساسا..

استاذ "بق" ده محتاج يكتشف أن احترام الناس ليه
و احترامه لنفسه مش "بكتر كلامه و ارائه " لكن "بعمقها و منطقيتها"..

و استاذ "مندفع" ده لازم يعرف انه مش لازم يقول رأي مخالف ،
وأن الكبير مش عيب انه يقتنع برأي الناس و يشجعهم ،
و لما يلاقي حاجة ليها معني يبقي يقولها ..

استاذ "بق" ده اللي بيتدخل في كل موضوع
و يتكلم في اي حاجة لو فاكر ان الناس ح تحترمه يبقي غلطان لا اللي بيحصل عكس كده تمام و "بيسمع ما لا يرضيه" : الكل بيسخر منه أو بيخانقه أو بيبغضه ، و لما ما بيلاقيش نتيجة بيتجنبه
و يقاطعه حتي من غير ما يقوله ..

يا "بق" خللي عندك عقل و منطق ، و خللي الناس هي اللي تيجي تطلب رايك علشان تعيش في عينيهم كبير و محترم ..