يعبيص من شخصيات الكتاب المقدس

[Mary Naeem]

يعبيص 🤔







مين هو ده ؟؟؟؟ وأتذكر فين ؟؟؟ طيب عمل اى ؟؟؟ 🤔 ما تيجوا نشوف مع بعض 🤗👇🏻
يعبيص هتلاقيه فى ( اخبار الايام الأولى إصحاح ٤ من عدد ٩ ل ١٠ ) بس متذكرش عنه كتير فى الكتاب المقدس كل اللى اتذكر عنه
👈 " وكان يعبيص أشرف جميع أخوته ، وسمته أمه يعبيص قائلة لأنى ولدته بحزن ، ودعا يعبيص إله اسرائيل ليتك تباركنى وتوسع تخومى وتكون يدك معى وتحفظنى من الشر حتى لا يتعبنى فاتاه الله بما سأل " وده كل اللى اتذكر عنه ✋
+ ما تيجو نتأمل فى شخصية يعبيص مع بعض 🤗
+ معنى اسم يعبيص كلمة عبرية بمعنى " صانع الأحزان " أمه أطلقت عليه هذا الاسم لانها ولدته بحزن ومحدش عارف اى الحزن اللى رافق الام وقت الولاده لكن بالتأكيد ان الاسم ده كان صعب جداً على يعبيص بعد ما كبر ... تخيل واحد اسمه مكدر او حزين ، اسمه لوحده كفيل انه يتنبأ عن حياته كلها بالحزن ... �
� يعبيص مكنش ليه اى أهمية ولا هو ولا عيلته ... حتى أخواته مكنش مسموع عنهم اى حاجة فى الكتاب المقدس .
لكن يعبيص كان مستنى من ربنا واقع تانى مختلف . مستسلمش للحزن والألم بل أمن بربنا وطلب معونته وبركته فى أعظم صلاة صلاها ليتك تباركنى 🙏
👈 يعبيص مكنش ليه نسب عظيم لكنه صار عظيماً بسبب إيمانه وصلاته ولم يتكل اللا على الله فوسع الله فى تخومه 😍
+ صلاة يعبيص تلفت الانتباه رغم انها صلاة قليلة الكلمات لكنها بتشمل كل اللى يحتاجه الانسان :-
( تباركنى ... توسع تخومى ... يدك معى ... تحفظنى ) 👉 كل ده بيدل ان يعبيص عارف ان أله اسرائيل قادر ان يفعل كل هذا ✋
👈يعبيص عرف أهمية البركة فى حياته مطلبش ان تتحل مشاكله او تتغير حياته ✋ إنما طلب البركة لحياته ولحفظ حياته من الشر
+ماذا كان يقصد يعبيص بتوسع تخومى 🤔 بالتأكيد ان توسيع التخوم الروحية افضل بكتير من توسيع تخومه الأرضية ... فما هى التخوم التى طلبها يعبيص ؟؟؟
١- طلب يعبيص من الله توسيع تخوم إيمانه .
٢- طلب يعبيص من الله توسيع تخوم خدمته .
٣- طلب يعبيص من الله توسيع تخوم محبته .
👈 يدك معى 🙏 لماذا يا يعبيص 🤔
١- محتاج إيدين ربنا معايا لتشبعنى .
٢- محتاج إيدين ربنا معايا لمعونتى .
٣- محتاج إيدين ربنا معايا لحفظى وحراستى
👈 وتحفظنى من الشر طلب يعبيص من ربنا حفظه من الشر .
المفأجاة بقى " فأتاه الله بما سال " 😳 ده بجد يا رب 😳
ده تغيير تاريخى حصل فى حياة يعبيص بمجرد صلاته .
تعالوا نتعلم من يعبيص 🤗👇🏻
+ الصلاة هى الحل لأى شئ .
👈 يعبيص ده بيمثل كل إنسان مولود وشبعان تعب لكن اختار ربنا يكون نصيبه وحبيبه .
👈 جرى يعبيص على ربنا علطول وربنا فرح بيه جداً .
👈 نطلب من ربنا يوسع تخوم خدمتنا ... يوسع تخوم محبتنا ... يوسع تخوم ايمانا .
👈 يعبيص الحزين او المكدر + بركة ربنا = إنسان ناجح وفرحان 😍
هيفرحنا باستجابته لينا فأتاه الله بما سأل ♥️