|
 |
 |
 |
|
رقم المشاركة : ( 1 )
09 - 05 - 2020, 04:24 AM
|
|||||||||
|
|||||||||
|
زوادة اليوم : السّما ما رح تترككون وعيت الصبح.. وطلعت ع البلكون .. سمعت شجرة الّلوز عم تحكي مع النهر .. وتقلّو : - دخلك وين راحو هل بشر ؟ .. اختفوا فجأة .. ما بقى عم شوف حدن منن .. لا عم يروحو ع الكنايس .. ولا عم يفوتو ع الجوامع .. حتى الولاد ما بقى عم يركضو ويتشيطنو ب الساحة.. واذا شفت حدن مارق .. بيكون مستعجل .. وجّو اسود .. مهموم ومرعوب .. مدري شو صاير معن؟ .. مدري شو راعبن ؟ ... - خبّرتني الغيوم الجاية من بعيد .. انو في وباء عالمي منتشر بين البشر .. وما بصيبنا النا ولا الحيوانات.. بس شكلو خطر.. وما الو دوا بعد .. لانو الناس لاول مرة مرعوبة بهل الشكل ... - يمكن احسنلنا هيك .. البشر قتلونا.. دمّرو الطبيعة... وحفرو الجبال .. و قطعو الشجر.. ولوثو الانهر... وسمّمو الهوا .. واكلو الحيوانات الاليفة.. وكرهو بعض ... وحاربو بعض ... ما بعرف ليش صارو هيك ... حتى مبارح مرق حطاب من حدي حامل فراعة كبيرة... وعَ شوي كان جاية عليّي.. لو ما مرتو نادتلو ت يفوت بسرعة ع البيت .. زمطت.. . - في ختيار مرق مبارح حد النهر.. وسمعتو عم يحكي ربّو ويقول : "نحن يا الله ما منستاهل النعم يلي عطيتنا ياها .. نحن ناس جحودين.. مجرمين.. بحق نفسنا وبحقك .. لا عرفنا قيمة الطبيعة.. ولا قدّرنا نعمة الهوا النضيف.. ولا نعمة المي الصافية .. ولا قيمة كل هل الموارد الطبيعية .. استهلكناها بسرعة.. استنفدناها بسرعة.. قلبنا موازين الطبيعة.. خالفنا قوانين الكون.. ولا عرفنا نعيش بسلام بين بعض.. ولا عرفنا نحافظ ع ديمومتنا .. منستاهل يلي عم بصير فينا ... " وسمعت صوت من السما عم بجاوبو: "خلي ايمانك قوي.. التوبة هي الطريق للخلاص.. السما ما رح تترككن... " وزهّرت شجرة الّلوز .. و كفّى النهر يسقي الورود ع ضفافو .. وبالسما الزرقا شرقت شمس حاملة معا رجا بيوم جديد ... والله معكن.  
|
|
09 - 05 - 2020, 07:59 AM
|
رقم المشاركة : ( 2 ) | ||||
|
..::| الإدارة العامة |::..
|
رد: زوادة اليوم : السّما ما رح تترككون : 9 / 5 / 2020 /
ميرسي علي زوادة اليوم
ربنا يفرح قلبك |
||||
|
|
|
09 - 05 - 2020, 10:44 AM
|
رقم المشاركة : ( 3 ) | ||||
|
† Admin Woman †
|
رد: زوادة اليوم : السّما ما رح تترككون : 9 / 5 / 2020 /
آمين يا رب |
||||
|
|
 |
|
العرض العادي
