زوّادة اليوم: ما حدا فيه يلغي التاني : 2 / 5 / 2020 /

[souad jaalouk]

زوّادة اليوم: ما حدا فيه يلغي التاني

بيخبرو انّو مرّة ورَاق وردة الmarguerite البيض تخانقو مع قلبها الأصفر. الورَاق يقولو يا ريت كلها بيضا كانت احلى و القلب الأصفر يقول لو كانت كلها صفرا شو كانت احلى بكتير.
تخانقو بدون ما يعرفو انّو جمالها بتنوّع الوانها و إنّو هيّي حلوة بوجود التنين سوا و انّن مَوصولين ببعض و اذا انفصلو ببطّل في وردة اصلاً ! الناس هيك عاطول بيفتشو عاللي بيشبهن يكونو معو و بيبعدو عن اللي مش متلن و بيعيشو بصراعات و ما بيعرفو انّن بيكَملو بعض و انّو ما حدا في يلغي التاني و انّن كلّن ولاد الله و عايشين تحت نفس السما!
صار الوقت الناس توعى و تحبّ بعضها و تفهم انّو ما فيهن يخلّو الآخر يكون نسخة عنّن و انّن لازم يعيشو سوا بمحبّة و سلام!
والله معكن.

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب