| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
24 - 04 - 2020, 03:59 PM
|
||||
|
||||
 لما بطرس راح للمسيح كتلميذ في أول الطريق، كان ممكن بسهولة يتوصف بأنه مجرد صياد وممكن اوي يقول الناس عليه انه شخص جاهل، ربنا ما قالوش انت صياد وجاهل متنفعش انا عايز متعلمين بس ، ولا قال للمتعلمين انا عايز جهلة بس، لا، ربنا معندوش مشكلة يقبلك تلميذ أياً كانت حالتك.. لكن بعد ٣ سنين تلمذة على ايدين المسيح ، هل بطرس ينفع يتوصف بأنه لسه مجرد صياد جاهل؟ اقولك، إقرأ رسايل بطرس الرسول تلاقي الإجابة! بجد حقيقي روح اقرا رسايله وشوف أسلوبه وعمقه في الكتابة، شوفه وهو بيتكلم عن انحلال العناصر محترقة بضجيج! هتذهل من عمق أسلوب بطرس الرسول، حقيقي هيذهلك! إقرأ واتفرج على اللي طلع من تحت ايد المسيح، وافهم، إن الرب يقبل الإنسان في جهالته، لكن لا يتركه لجهالته، الرب معلم.. افهم دي معلم، وأب، مربي، مؤدب، الرب صانع للرجال، معطي فهم وحكمة للجهال، الرب يعمل من الفسيخ شربات.. الرب يأسس، يعد، يدرب، يتلمذ ما بيشتغلش عشوائي الرب يسوع جاله بطرس وهو جاهل، هل خلي بطرس يروح يكرز ويعلم وهو جاهل؟ لأ! بعد ما تتخرج من المدرسة تعلم، بعد ما تتأسس في الفهم والحكمة وتنمو في المعرفة والقامة، ابعتك، تفتن المسكونة! لأن الناس هتبقى متخيلة من بساطة هيئتك انك انسان جاهل، وهتتفاجيء انك ممتليء حكمة وفهم ومعرفة.. لما الرب يسوع قابل بولس الرسول، أرسله للكرازة علطول؟ لأ! قعد بولس الرسول ٣ سنين تلمذة في البرية ، قبل ما يخرج! لما الرب يسوع حب يرسل موسى بعته كده علطول؟ لا! خلاه ٤٠ سنة يتهذب بكل حكمة المصريين ويتعلم ازاي يكون قائد ومعلم و ٤٠ سنة يتعلم فيهم ازاي يكون راعي حليم اكثر من جميع الناس! الرب يسوع لما حب يرسل يشوع، دخله مدرسة اسمها موسى النبي! لما حب يرسل اليشع، دخله مدرسة اسمها إيليا النبي! طريق الرب يسوع طريق تلمذة وتعليم فلا تحتقروا تعليم الرب ولا تقنعوا بالجهالة لان الرب يقول : هلك شعبي لعدم المعرفة! 
|
|
#2
24 - 04 - 2020, 04:46 PM
|
||||
|
||||
|
موضوع مثمر ..
ربنا يبارك خدمتك
|
|
#3
27 - 04 - 2020, 09:23 PM
|
||||
|
||||
|
ميرسى على مرورك الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| تصميم| أنا الرب صانع كل شيء | Mary Naeem | تصميمات وابداعات الأعضاء | 0 | 06 - 08 - 2023 09:24 AM |
| ( إش 45: 6 ،7) أنا الرب صانع كل هذه | Mary Naeem | ايات من الكتاب المقدس للحفظ | 0 | 11 - 03 - 2022 02:30 PM |
| انا الرب صانع كل هذه | walaa farouk | صورة وأية من الكتاب المقدس | 0 | 08 - 02 - 2021 09:40 PM |
| مسكن شائع قد يرتبط بإصابة الرجال بالعقم | Mary Naeem | منتدى الطب | 0 | 09 - 02 - 2018 05:00 PM |
| انا الرب صانع الرحمة | Mary Naeem | صورة وأية من الكتاب المقدس | 0 | 24 - 07 - 2014 06:37 PM |
العرض العادي
