|
 |
 |
 |
|
رقم المشاركة : ( 1 )
10 - 04 - 2020, 02:11 AM
|
|||||||||||
|
|||||||||||
 افتح باب بيتك... من اجل كل طفل اتعرف عليك في درس من مدارس الاحد.. افتح الباب. من اجل كل كاهن بكي قدام مذبحك طالبا الخلاص ليه ولشعبه... افتح الباب. من اجل واحد كان ضايع والكنيسه هي اللي رجعته...افتح الباب. من اجل كل واحد رجع ليك بكلمه سمعها في عظه طالعه من روحك القدوس...افتح الباب. من اجل اخوتك يارب اللي كانت الكنيسه بترعاهم...افتح الباب. من اجل كل مخدوم شاف صورتك في الخادم بتاعه فحبك..افتح الباب. من اجل كل شاب اتقدم لحفظ لحن عشان يستمتع بتسبيحك..افتح الباب. من اجل كل واحد كان بيجي يعترف ويرمي بحموله عند بابك..افتح الباب. من اجل فلسي الارمله اللي اتقدموا في صناديق التبرع في كل عصر...افتح الباب. من اجل كل واحد لسه محافظ علي هيبه بيتك في قلبه..افتح الباب. من اجل كل من سجد برعده وخشوع امام مذبحك وامام حضنك ايها الاب...افتح الباب. من اجل كل واحد كان بيجي القداس عشان يتعلق في هدب توبك لخلاصه..افتح الباب. من اجل اصوات شعبك اللي صرخوا في كل جمعه عظيمه بنفس واحد قائلين في امانه اللص اذكرنا متي جئنا في ملكوتك..افتح الباب. من اجل القلوب التي تنهض عند سماع صوت الكاهن قائلا شعبك وكنيستك يطلبون اليك ارحمنا... افتح الباب. من اجل كل فرحه فرحناها في بيتك ....وكل شمعه ولعناها بايمان امام ايقونات قديسيك. . وكل لحن قولناه.. وكل معموديه حصلت... وكل ذبيحه قدمت علي مذبحك.. وكل دمعه وكل سجده وكل صلاه وكل صرخه قدمت بايمان وحب... افتح الباب. وارحمنا حتي لو كانوا المنتفعين من بيتك قليلين.. افتح الباب من اجلهم واغفر لنا جميعا... ولا تحرمنا من رؤيه مذبحك ولا حضنك الابوي ولا ايقونه صلبوتك في اسبوع الامك المحييه...امين. 
|
 |
|
العرض العادي
