|
 |
 |
 |
|
رقم المشاركة : ( 1 )
05 - 04 - 2020, 09:09 PM
|
|||||||||||
|
|||||||||||
 كان وقت الضهر كدا ....جريوا علي قلايته.....خبطوا علي بابها جامد اوي...الباب البسيط الي معمول من خوص النخل كان هيتكسر ... (حاضر يا ابهات)....قالها بالعافيه وقام بالعافيه مسك عصايته .. .اصل سنه معدي ال90 ...فتحلهم...قبلهم...باركهم... مالكم يا حبايبي في ايه... الحق يا ابو مقار ...في واحده دخلت عند ابونا الي في الصحراء الي هناك وشكلهم بيزنوا.... اخد نفس عميق ....صلي لله بداخله....وقالهم مفيش يا ولادي الكلام ده الشيطان عايز يوقعكم في اخوكم الغلبان... احنا متاكدين يا ابا مقار ودي مش اول مره...لازم تكشفه. .. لازم تطرده... لازم تحاكمه... لازم تشلحه... لازم لازم لازم.... يا حبايبي المسيح بيسامح الكل ومين انا الي هحاكمه ... لازم تتصرف ...لازم تشلحه...لازم تحاكمه...لازم تطرده...لازم...لازم...لازم... يا ولادي اصل.... لازم تشلحه لازم ت... طيب تعالوا ورايا وربنا يبين الصالح ... خرج من قلايته ، مسك عصايته مشي في اتجاه قلايه الراهب الخاطي. مشيته كانت بطيئه اوي وهو بيسند علي عصايته وضهره متني وطبعا كل الي وراه رهبان شباب.. مبطلوش كلام عن الي حصل والي لازم يحصل... وهو مبطلش صلاه عشان ربنا يسامح الي بيزني ... صلي عشان ربنا يكشفله طريقه يستر بيها عليه..... فضلوا ماشيين يجي ساعه... قبل ما يوصلوا ب 200 متر كدا .... بص للسماء و صرخ بصوت عالي وقال ختام التسبحه . قالها بقوه وصراخ رهيب (مراحمك يا الهي غير محصاه وكثيره جداااا هي رافتك)..... اصله كان عايز الرهبان الي وراه يسمعوها.... والجميل والغريب انه كان عايز يدي اشاره للراهب الي بيخطي وكانه بيقوله (قوم بسرعه استر نفسك واتصرف احنا داخلين عليك). خبط باسلوب جميل ...سلام يا ابي ...سلام...فتح بخوف ... كلهم دخلوا نظروا جميعا للقلايه نظرتهم(الرهبان) كانت لتجعله مذنب ونظرته (ابو مقار) كانت لتبرئته اول لما دخل ابو مقار شاف الماجور المقلوب وفهم انه مخبي الست فيه وهما كمان فهموا ....راح قعد علي الماجور... وقال للرهبان شوفتم ازاي ظلمتم اخوكم....اتفضلوا علي قلاليكم..... صمت تاااااام، هدوء، محدش عرف ينطق بكلمه كلهم خرجوا علي قلاليهم وسابوا حجارتهم... زهنهم فكرهم برجم الزانيه وازاي المسيح بكتهم.. .افتكروا كلمه المسيح ...من منكم بلا خطيه..من منكم .. .من منكم ...!!! قام ابو مقار من علي الماجور قفل الباب... طبطب علي الراهب الخاطي وقاله بكل حنان (احكم يا اخي علي نفسك قبل ان يحكموا عليك) ... خرج مقار من عنده وترك حنانه وراءه ليبكي الراهب الخاطي... بمجرد خروجه حدثت زلزله ورعود في السماء. لم تستحمل السماء هذا المشهد العجيب ليصرخ الشيروبيم باعلي صوت مزلزل بريه شيهيت كلها صارخا قائلاً: "طوبااااااااك يا مقااااااااااار لقد تشبهت بخالقك تستر خطايا النفوس" ما هذا الحنان ما هذا الحب ؟!؟ لو ركزت فيه هشتم ف حبه لابنائه.. رائحه حب المسيح للبشريه لقد استحق الصوت السمائي الصارخ له: "طوباااااااااك يا مقار طوبااااااااك يا مقار طوباااااااك يامقار لقد صرت مثل الهك تستر خطايا النفوس" يا للعجب والدهشه لقد صار مثل الله !!! السماء كلها شهدت بالي حصل ولم تستحمل السكوت . ..الهه اشتم رائحه الرضا علي البشريه كلها فيه.... السماء مكنتش فرحانه السما كانت مظئططه... السمائيين زُهلوا...الملائكه دُهشت...القديسين استراحوا... لقد استراحوا جميعا لوجود انسان له صفات المسيح مكتمله فيه لقد ترك لنا انبا مقار هذه القصه ورحل لتتوارثها الاجيال ويسردها الوعاظ دون ان يتعلموا مغزاها.... لقد تركها لتؤنب كل من يبحث عن هفوات في حياه اخوه ليجعله مذنب او ليهرطقه ويخَوِنَه ويكفره طلع مصنع الخشب الي فيك قبل متدور علي القذي الي في عنين اخوك 
|
|
06 - 04 - 2020, 08:15 AM
|
رقم المشاركة : ( 2 ) | ||||
|
† Admin Woman †
|
رد: طلع مصنع الخشب الي فيك قبل متدور علي القذي الي في عنين اخوك
مشاركة جميلة جدا ربنا يبارك حياتك |
||||
|
|
|
09 - 04 - 2020, 10:25 PM
|
رقم المشاركة : ( 3 ) | ||||
|
..::| الإدارة العامة |::..
|
رد: طلع مصنع الخشب الي فيك قبل متدور علي القذي الي في عنين اخوك
ميرسى على مرورك الغالى  |
||||
|
|
 |
|
العرض العادي
