اخلع العتيق والبس الجديد

[walaa farouk]

اذ خلعتم الانسان العتيق مع اعماله ولبستم الجديد الذي يتجدد للمعرفه
حسب صورة خالقه
...النهاردة...لو عايز تحقق هدف كبير وضخم
وشايف ان وقتك ومجهودك ومشغولياتك مش مناسبه انك تحقق ده...
يبقي لازم تعرف ان الانجازات الكبيرة مش بتحتاج لاكثر من عادة يومية صغيرة
ولما تستمر علي اي عادة ناجحة هاتتفاجا بعد سنة او سنتين
انك تجاوزت اهدافك باشواط..
.يعني اي حد مثقف اوي دلوقتي هو نتيجة انه كان متعود كل يوم يقرا
حتي لو صفحة في كتاب... كل رجال الله اللي بيحبوا الصلاة والقداسات والكتاب...
هما اتعودوا من وهما صغيرين انهم ماينفعش يناموا من غير مايصلوا
ولا يعدي يوم من غير مايقرا في الكتاب وهكذا..
.يلا عايزك النهاردة تمسك حاجة واحدة بس وصغيرة
وتتعود تعملها بشكل يومي لغايه ماتتعود تعملها من غير ماتفكر فيها...
خلاص هاتبقي عادة ناجحة ومفيدة...وهاديك بعض الاقتراحات
الصلاة... الصوم... قراءة الكتاب المقدس... حفظ مزامير والحان...
حفظ 5كلمات من اي لغة عايز تتعلمها يوميا...
اتعود تقول شكرا... اتعلم كلمات تشجيع وليكن برافو
واتعود تقولها لمراتك لاولادك للي حواليك...
اغسل طبقك وكوبايتك... نظم اوضتك... اصحي بدري... اغسل سنانك .
..احضن ولادك...العطاء في الخفاء وتكون مبسوط وانتي بتدي..
.خليك مبادر... اي حاجة... اختار حاجة واحدة بس واتعود عليها..
. وصدقني بعد فترة لما تلاقي نفسك اتعودت تعملها هاتفرح انك بقيت مختلف
...اخلع العتيق والبس الجديد...

[Mary Naeem]

وصدقني بعد فترة لما تلاقي نفسك اتعودت تعملها هاتفرح انك بقيت مختلف
...اخلع العتيق والبس الجديد

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى