اتعلم من كورونا

walaa farouk · رقم المشاركة : ( 1 ) 03 - 04 - 2020, 11:09 AM

الاجراءات الاحترازيه للوقايه من فيروس كورونا....

و صفه مشتركه مهمه جدا وخطيره جدا وضروريه جدا....
ركز فيها وانت هتعرف...
ايه الرابط بينها وبين...

حياه التوبه...
هي
(التدقيق)...
التدقيق في كل فعل بتعمله... والتدقيق المحكم كمان...
لان اي تهاون او تقصير ممكن يعرضك للاصابه
واحيانا للموت بمرضك....
تلمس حاجه تروح تغسل ايديك ...
تفتح الحنفيه تغسل ايدك والحنفيه...
تفتح الباب تعقم المفاتيح ومقبض الباب..
. تدخل البيت تعقم موبايلك...
تشتري حاجه تطهر الاكياس من بره كويس...
تدخل بيتك تقلع الجزمه بره لتكون حامله الفيروس...
متسلمش علي حد بالايد او تعانقه لاحتماليه انه يكون مصاب وهو ميعرفش...
متلمسش بايدك اللي مش نضيفه عينك او فمك...
تعزل نفسك لوحدك وقت كافي لو حسيت انك مصاب...
كميه تطابق رهيبه ومخيفه...
تخيل نفس الوضع كده للتعامل مع الخطيه... انك تدقق في كل فعل وكل كلمه وكل نظره...
اي تهاون او تقصير هيعرضك للاصابه بالخطيه...
موبايلك لازم يبقي نضيف والمحتوي اللي بتشوفه عليه
يبقي نضيف عشان ممكن تتصاب...
وانت داخل بيتك تقلع جزمتك
اللي ممكن تكون مشيت في سكه ملوثه...
وتخش تغسل نفسك بالصلاه وطلب الرحمه والمغفره كل شويه...
تعزل نفسك وتحاسبها وتتكلم معاها لتكون مصاب وانت مش عارف...
متمشيش مع حد مصاب لياخدك في سكته...
ومتستهونش بالقعده معاه هيعديك...
عينك وفمك وودنك لازم تتاكد ان مفيش حاجه وحشه بتلمسهم...
وتفضل طول الوقت صاحي ومركز ومدقق ... اهو هو ده الجهاد كما وصفوه الاباء القديسين... جهاد وتعب زي ما انت تعبان دلوقتي من التدقيق الزايد عشان متبقاش واحد ضحايا كورونا لا انت ولا بيتك...
ولكنه الحمل والتعب الخفيف الحلو اللي نهايته حلوه وتستحق...
نهايته المسيح... وهو القادر علي شفاءنا وخلاصنا جميعا...

Mary Naeem · 03 - 04 - 2020, 04:32 PM

ولكنه الحمل والتعب الخفيف الحلو اللي نهايته حلوه وتستحق...
نهايته المسيح... وهو القادر علي شفاءنا وخلاصنا جميعا...

توبك جميل
ربنا يباركك

walaa farouk · 04 - 04 - 2020, 01:25 AM

ميرسى على مرورك الغالى اتعلم من كورونا