ماذا تعلمت من كورونا

[walaa farouk]

ماذا تعلمت من كورونا !

• اتعلمت اني مش هاسيب الكنيسة تاني ولا هسمح لحد يطفشني منها تحت اي ظروف ،
ومهما اختلفت مع الخدام اللي فيها

• اتعلمت ان البوست اللي انتشر بتاع الناس اللي بره الكنيسة
سببهم الناس اللي جوه الكنيسة بوست شيطاني هدفة يريح تأنيب ضميري
في عدم المرواح خصوصا لما اشوف ناس كتير مشيراه واقول الحمدلله مش رأيي لوحدي

• اتعلمت اني مش هافوت فرصة التناول ( اللي محروم منها دلوقتي )
في اي مرة احضر فيها قداس تحت اي ظروف

• اتعلمت اني انتظم على الاعتراف ..
ومش هانسى ابدا ان يوم ماخوفت من بكرة ومن النهاية لقيت الكنايس مقفوله

• اتعلمت اني كنت اعرف ربنا بعقلي بس مش بقلبي .
. مبدأتش اتكلم معاه بجد غير لما حسيت ان المركب ممكن تغرق ..
كانت الجملة طالعه من قلبي وانا بقوله زي التلاميذ ماقالوله وقت شدة الريح وهم في نص البحر
يَا مُعَلِّمُ، أَمَا يَهُمُّكَ أَنَّنَا نَهْلِكُ؟ !!