ربنا بيتلكك عشان يدخلك السما

[walaa farouk]

ربنا بيتلكك عشان يدخلك السما ❤
عندنا 5 فرص يدخلوك السما امسك بس حتى فواحده من الخمسه وتبت فيها

اول فرصة : فرصة التلمذه ❤
******************
+ اجلس مع حد روحانى فى حياته مع ربنا واتعلم منه وتتلمذ ودى فرصة تلمذه
+ كتاب حلو اقراه واتعلم منه ازاى اقرب من ربنا دى فرصة تلمذه
+ الكتاب المقدس الى فبيوتنا ..افتحه واقرا فيه كل يوم اصحاح واتتلمذ منه ودى فرصة تلمذه

تانى فرصة : فرصة صلاة ❤
*****************
+ تخيل ان ربنا ممكن يسمحلك بتجربة فى حياتك بس عشان يقولك وحشنى صوتك
لينا زمان ما اعدناش مع بعض دى فرصة صلاه
+ اغتنم فرصة صلاه فاى قداس واجرى عليها دى فرصة صلاه
+ اغتنم فرصة اى اتنين بيصلوا وادخل معاهم دى فرصة صلاه
+ قانون روح مهمل ومتاجل اغتنمها وظبط قانونك دى فرصة صلاه

ثالث فرصة :فرصة توبه ❤
****************
+ لما حد ينتقدك اوعا تزعل وتقول بص لنفسك لاء خدها رساله من ربنا واجرى توب دى فرصة توبه
+ انتقال شخص ورؤيتك للصندوق دى فرصة توبه
+ تجربة شخص صعبه شفتها ادامك دى فرصة توبه

رابع فرصة : فرصة خدمه ❤
*******************
الخدمه مش مدارس الاحد بس
+ انين انسان نفسه حد يسمعه .. اسمعه ودى فرصة خدمه
+ نضف كنيستك دى فرصة خدمه
+ اى حاجه تقدر تعملها لخدمة اخوك دى فرصة خدمه

خامس فرصة : فرصة رحمه ❤
******************
+ عندنا كراكيب فالبيت ملهاش لازمه بس غيرك محتاجها ( لعب - هدوم - اكل زياده )
دى فرصة رحمه
+ عندك زجاجات فاراغه كتير نضفها كويس واملاها مايه وحطها
فالفريزر وانزل وزعها على العساكر والبياعين الى واقفين فالشارع فعز الحر دى فرصة رحمه
+ شفت حد بيجيب سيرة حد تانى اجرى وصلى من اجل الاتنين دى فرصة رحمه
+ حديث عن شخص الناس كلها بتتكلم عنه بشكل سيء دى فرصة رحمه
فاكر المرءاه التى امسكت بذات الفعل فاكر المسيح رده كان ايه ..
من كان منكم بلا خطيه فاليرمها اولآ بحجر ..فرصة رحمه انك تدافع عن انسان
+ لعبه بخمسه جنيه هتفرح اطفال الشوارع لانهم معندهمش منها
ودى بنسبالهم حاجه كبيره دى فرصة رحمه
*****************************
دول 5 فرص عايزين نختار منهم واحده بس ونمسك فيها طول عمرنا
عشان متنساش ان الفرصه دى تبئا هى الى بتزكيك للسما 🙏❤🙏