مراتك مش عبء مراتك قلب حافظ عليه

[walaa farouk]

لما مراتك تبقى بطلت تتناقش معاك وتحاورك ..ده مش تسليم للأمر الواقع لكن هى إتأكدت إنك مش هتسمعها..

لما مراتك تكون بطلت تكلمك عن يومها وعن اهلها..مش معناها لا جديد ..لكن ده تأكيد إنك مابتعملش حاجة غير تنقدها وبس..

لما مراتك اللى كانت زمان بتعيط لما تجرحها ودلوقتى إنت بنفس إسلوبك لكن هى بطلت حتى تدمع..ده مش نضج..لكن هى فقدت فيك الأمل بتقديرها...

لما مراتك تبقى بطلت تكلمك إلا للضرورة ده مش إنشغال لكن حست إنها عبء عليك بكلامها فملوش داعى الإزعاج...

لما مراتك سيادتك تستفزها بالكلام عن غيرها وتقارنها فى الرايحة والجاية وهى ولا أى إندهاش ..ده مش لامبالاه لكن هروب من كسرتها اللى إنت مصمم عليه...

لما مراتك اللى كانت بتترجى فيك تقعد معاها شوية زمان بقت تاخد الولاد وتدخل تنيمهم وتسييييبك على راحتك ده مش بتريح معاليك ..لكن الإهتمام مش مبيطلبش ....

لما مراتك تبطل تسألك عن يومك مش إهمال لكن هى زمان كنت بتفتكرها زنانة لوقالتلك عملت إيه بس...

لما مراتك بطلت تتكلم عن تفاصيل ملهاش لازمة ..ده مش خير الكلام ماقل ودل .ده معناه إنها مش لاقية نفسها معاك...

فى فرق كبييييير اوى بين واحدة كانت فى الاول كده وواحدة بطلت تعمل كده الاولى دى تركبيتها كيان مصان والتانية إحساسها مهان...
ركز فى التفاصيل وإرخى الحبل ..الانثى لو قلبها كبر عليها بيبان..
مراتك مش عبء مراتك قلب حافظ عليه ،،، ✋✋

[Mary Naeem]

ركز فى التفاصيل وإرخى الحبل ..الانثى لو قلبها كبر عليها بيبان..
مراتك مش عبء مراتك قلب حافظ عليه

صح الكلام
ربنا يباركك

[walaa farouk]

ميرسي على مرورك الغالى