|
 |
 |
 |
|
رقم المشاركة : ( 1 )
11 - 01 - 2020, 03:46 PM
|
|||||||||||
|
|||||||||||
|
هو عقله كان فيــن؟! 👀  وأنا صغير لما كان بيتحكيلي قصة شمشون.. كنت بستغرب أوي.. 🤔 ❣❣❣❣❣❣❣❣❣ كنت بقول لنفسي.. ازاي شمشون بكل جبروته وقوته يستسلم لواحدة ست؟! ومش بس كدة.. لا كمان تسأله ٣ مرات "بماذا توثق لإذلالك؟" (قض ١٦: ٦) وفي كل مرة يقولها اعملي كذا.. وينام 😴 يصحى على كمين من أعدائه في الأوضة ويلاقي نفسه معموله زي ما قالها!! طب ما هي.. واضحة اهي زي الشمس.. هو عقله كان فيــن؟! 👀 لكن في الحقيقة.. مكانتش المشكلة في عقله 🧠 المشكلة كانت في قلبه ❤ شمشون كان بيستسلم لعواطفه.. كان بيخلي مشاعره هي اللي تمشّيه.. مش هو اللي يتحكم فيها.. ودي مش أول مرة يعمل كدة.. (قض ١٤) وصل حبه لدليلة لدرجة إنه كان شايفها ملاك 😇 مبتغلطش.. كان شايف إنها مستحيل تخونه.. كان عارف إن فيه حاجة غلط 😕 بس كان بيحبها 💖 وحُبه ليها خلاه أعمى.. مبيشوفش.. طب وبالنسبة لدليلة.. 👀 دليلة مكانش يهمها شمشون 💪 ولا حُبه ليها 💗 هي كانت بيهمها الفلوس 💰 الفلوس وبس 🤑 (قض ١٦: ٥) علشان كدة لو عايز تستفيد من قصة شمشون بجد.. لازم تستوعب الكام حاجة دول: 😌😎 • قبل ما تحب.. لازم تكون جاهز ماديًا 💵 وناضج نفسيًا وعقليًا.. يعني مينفعش تكون طالب في الجامعة مثلا 🤓 ولسة قدامك جيش وشغل وتقول عايز أرتبط.. 😒😒 • الارتباط مسئولية.. لازم تكون قادر إنك تتحمل مسئولية نفسك بالكامل + مسئولية شريك حياتك.. 💪 • دليلة معنى اسمها "المُدللة".. أو بمعنى أصح "المتدلعة".. فلما تيجي تختار.. متخترش البنت دلوعة أبوها.. علشان مش هتتحمل المسئولية.. ولما تكون عايزة حاجة.. هتنكد عليك لحد ما تاخد اللي هي عايزاه 😖 زي ما دليلة نكدت على شمشون علشان تعرف سر قوته.. "ولما كانت تضايقه بكلامها كل يوم... ضاقت نفسه إلى الموت" (قض ١٦: ١٦) • لما تيجي تختار.. اختار البنت الجدعة.. اللي تقف في ضهرك.. البنت اللي بـ ١٠٠ راجل.. 💪 - اللي تحتويك وتصونك.. اللي تخاف عليك 😰 اللي تحبك من كل قلبها ♥ اللي لو عرضوا عليها كنوز الدنيا علشان تأذيك.. مش هتعملها.. ولو على رقبتها.. - اللي تستناك بليل لحد ما تروح بالسلامة وتطمن عليك.. اللي قلبها معاك حتى وأنت بعيد عنها ❤ اللي لما تشوفك زعلان 😔 متسيبكش إلا لما تضحك 😄 اللي عايزاك سعيد وفرحان ومش شايل هَم حاجة.. اللي مستعدة تعمل أي حاجة علشانك.. علشان تبقى بس مبسوط.. 😌😌 - حب بنت الأصول المتربية 👌 اللي تفتكرلك الحلو قبل الوحش.. اللي لو لا قدر الله والعلاقة مكملتش.. تعاملك على انك اخوها.. مش عدوها.. 👍 فمتجيش حضرتك تدور على عروسة.. تكون بتعرف ترقص.. وتطبخ.. وتعملك مساچ.. ومش مهم عندك أي حاجة تاني.. 😏😏 • لو دخلت في علاقة وفشلت.. ادي فرصة لنفسيتك علشان تهدى.. وجرح قلبك يلم.. 💔 (مش بلاها نادية خُد سوسو 😑  - علشان لو دخلت علاقة تانية وانت بالشكل ده.. هتبقى علاقة مشوهة.. وهتظلم نفسك.. والطرف التاني كمان.. • لما تيجي تحب واحدة.. متعرّفش حد إنك بتحبها 😶 علشان متديش فرصة للي يسوا واللي ما يسواش 😏 إنه يتكلم عليها.. وكمان متديش فرصة للي بيكرهوك إنهم يوقعوا بينكم.. ويخلوها تكرهك.. أخر حاجة عايز أقولها.. أنا عارف إن الحب والإعجاب مش حاجة في إيدينا.. نشغلها وقت ما احنا عايزين ونقفلها وقت ما نحب.. لكن على الأقل قاوم 💪 متخليش المشاعر تسيطر عليك وتتحكم فيك.. والمرة الجاية لما تحب.. حب بقلبك ♥ وعقلك 🧠 مش بقلبك بس.. 
|
 |
|
| قد تكون مهتم بالمواضيع التالية ايضاً |
| الموضوع |
| هل انت بتحتفل بمسيح الصليب ولا صليب المسيح؟؟؟👀👀 |
| 👀 *" ثبت نظرك "* 👀 |
| خلي عينك ع الملكوت👀👀 |
| لسان الفتى عن عقله |
| فيرفع عقله |
العرض العادي
