لا تَرْتَضِ بِمَرْضَاةِ الْمُنَافِقِينَ( يسوع ابن سيراخ17:9)

[walaa farouk]

لاَ تَرْتَضِ بِمَرْضَاةِ الْمُنَافِقِينَ. اُذْكُرْ أَنَّهُمْ إِلَى الْجَحِيمِ لاَ يَتَزَكَّوْنَ
سفر يشوع ابن سيراخ الأصحاح 9 اية 17
هرب من النفاق. ابشع شئ بشوفه الوقت ده هو النفاق
.. بس تخيلوا المنافق بيسمي نفاقه ( محبه)
بس خلي بالك احنا بنقول في طلبه القداس الكيرلسي
(محبه بغير رياء). لما انت تبقى بتقول علي شخص
طول الوقت انك مش قادر تتعامل معاه..
مش موافق علي اسلوبه معاك.. وانه شخص كذا وكذا.
وفجاءه تكتب علي الفيس للشخص ده معايده طويله عريضه
. ( انت الحب.. انت اخويا.. اختي الغاليه..
حبيب قلبي. حبييه قلبي. يارب دايما سوا)
وتحط صوره ليكم مع بعض ماليانه حب.
لكن انت من جواك بتنافق..
ولو حد سالك أذاي تكتب كده وانت لسه بتقول انك تعبان منه
فتروح قايل ( ربنا علمنا المحبه)،
صح علمنا المحبه بس من غير رياء.
لو بتكتب الكلام ده من قلبك مش بتكتبه
علشان تتقي شره ولا علشان هو في وشك ليل نهار
فتكتبله كده علشان مايزعلش.. دي مش محبه.
. ده نفاق ورياء. عاوز تعرف المحبه اللي بجد.
. انك تعاتبه.. وتبقي صريح في مشاعرك معاه..
ساعتها تبقى فعلا محبه.. ولو حتى كتبتله كلمه علي الفيس
تبقي بتكتبها وانت عارف انه عارف انت مضايق منه في ايه
فساعتها اللي هاتكتبه يبقي مش نفاق
. اكتب اللي عاوزه بس من قلبك
اهرب من النفاق. أهرب من الرياء

[Mary Naeem]

اكتب اللي عاوزه بس من قلبك
اهرب من النفاق. أهرب من الرياء

صح الكلام
ربنا يباركك

[walaa farouk]

ميرسي على مرورك الغالى