|
 |
 |
 |
|
رقم المشاركة : ( 1 )
20 - 12 - 2019, 09:16 PM
|
|||||||||||
|
|||||||||||
 الموضوع يبدأ في بداية سن الجامعة كنت مشترك في خدمات كتير جوة الكنيسة في انشطة وخدمات كتير متنوعة وكنت ببذل كل طاقتي ومجهودي لدرجة اني كنت برجع البيت منهك جدا .. لدرجة ان في مرة مالحقتش اروح البيت من كتر المجهود وقلة ساعات النوم ميلت علي الدكة وحصل اللي حصل (وطبعا انتوا عارفين الاصدقاء في الوقت ده ما بيصدقوا يعملوا ايه .. الصورة بتتكلم 😅 ) معظم اللي كانوا حواليا كانوا يشجعوني ويمدحوني . . انت خادم هايل ونشيط وماحصلش .. مجهودك ده مش هيروح هدر .. والبعض كان بيشجعني انه يحطني في مهام اكتر ، وكنت بتبسط بتشجيع الخدام الكبار وهما بيقولولي فخورين بيك . لحد ما في يوم كنت مخلص ومروح من الكنيسة منهك جدا ومستنزف لابعد حد . . وقفني خادم حكيم ووشوشني في ودني "اهدا علي نفسك شوية .. ربنا ميرضاش بخدمتك دي " اهتم بنفسك شوية واديها من وقتك تقعد فيه مع نفسك ومع ربنا وتكون هادي ومستريح وانت بتخدم . . بصراحة انا اتضايقت جدا ليه بيقولي كدة، هو مش مقدر كل التعب اللي انا فيه ده . ومرت السنين واكتشفت قد ايه ان الخادم ده كان اكتر حد بيحبني ، لاني اكتشفت قد ايه كلامه صح جدا . . ميرضيش ربنا اننا نعمل اقوي مجهود بدون ما نقعد معاه ومع نفسنا وقت كافي .. بدون ما نكون بنقرا ونتأمل ونتوب ونفحص اعماقنا ونشتغل علي نفسنا . . بدون ما نكون بنتحرك واحنا هاديين ومرتاحين مش واحنا مضغوطين ومتبهدلين . . النتيجة هتكون اننا هنتشوه جدا وهنشوه اللي حوالينا بتشوهنا . صديقي الخادم .. كلمة ليك وليا اهدا علي نفسك شوية لو انت دايس بنزين بكل عزمك .. الخدمة بدون ما نقعد مع المسيح وقت كافي وبدون ما نكون بنتملي منه بمختلف الطرق ، عمرها ما هتجيب ثمر حقيقي . . مشيئة ربنا مش اننا نطلع نخدم كل يوم عدد اكبر من الساعات لكن مشيئته اننا لما نطلع نخدم نكون طالعين صح .. ووقت بناء نفسك روحيا وفكريا ونفسيا هو محسوب برضو من وقت الخدمة . مش عايزين نكون بنبني في الخدمة .. وجوانا مهدود . 
|
|
21 - 12 - 2019, 11:53 AM
|
رقم المشاركة : ( 2 ) | ||||
|
† Admin Woman †
|
رد: خدمتك دي مترضيش ربنا
الخدمة بدون ما نقعد مع المسيح وقت كافي
وبدون ما نكون بنتملي منه بمختلف الطرق ، عمرها ما هتجيب ثمر حقيقي صح الكلام ربنا يباركك |
||||
|
|
|
21 - 12 - 2019, 09:55 PM
|
رقم المشاركة : ( 3 ) | ||||
|
..::| الإدارة العامة |::..
|
رد: خدمتك دي مترضيش ربنا
ميرسي على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اشكر ربنا على خدمتك |
| عنسى بس مترضيش باى جوازه |
| مترضيش حد وتيجى على نفسك |
| تمم خدمتك |
| مترضيش نفسك |
العرض العادي
