|
 |
 |
 |
|
رقم المشاركة : ( 1 )
02 - 12 - 2019, 10:37 PM
|
|||||||||||
|
|||||||||||
 لماذا اصابتنا كل هذه سؤال قاله جدعون بعشم في ربنا و تسأله كل نفس موجوعة و مكسورة.. ليه ليه بنعانى.. ليه مرض.. ليه بيت مقسوم.. ليه ما فيش سعادة.. ليه الخوف.. ليه نقلق.. ليه رزق قليل.. ليه ظلم.. ليه فشل .. ليه عاطفة ما تكملش.. ليه ما بيتدخلش.. عندنا ثقة ان ذراعه قوية.. فين عجايبه.. ليه اقول ااااه.. ليه حياتى مش بتتصلح. . ليه ماسور من خطية ذلانى.. ما يتدخل.. أليس اله آبائنا و له عجائبه .. كلها عبر عنها جدعون في جملة مختصرة.. فقال له جدعون أسألك يا سيدي إذا كان الرب معنا فلماذا أصابتنا كل هذه وأين كل عجائبه التي اخبرنا بها آباؤنا قائلين ألم يصعدنا الرب من مصر والآن قد رفضنا الرب وجعلنا في كف مديان." ساعات بنتصور ان معية ربنا تعصمنا من الألم.. بنستنى معجزات. . تدخل قوى واضح.. حل سمائى بعد أن تعبت ايادينا و لم نصطد شيئا العجيب ربنا ما ردش و قاله علشان انتوا خطاة و عملتم و سويتم.. رد رد تانى خالص "فالتفت إليه الرب وقال اذهب بقوتك هذه وخلص إسرائيل من كف مديان أما أرسلتك. قوة ايه يارب بس.. بقولك متبهدل.. موجوع اوى.. صغير اوى.. طب و هو جدعون خلص إسرائيل بدراعه؟! ربنا في اجابته بيوقظ القوة اللى جوانا.. طلع مديان مجرد كف.. اذهب بقوتك هذه وخلص إسرائيل من كف مديان .. كل مشكلة كل وجع مجرد كف.. كل مشكلة صغيرة في عين ربنا.. المهم ندور على قوته جوانا و ما نستسلمش... ربنا عاوز خلاصنا مش ممكن يسلمنا بأيد أعدائنا شيطان و لا بشر.. مجرد كف. . و ان كان كفك صغير مش مهم.. داود قال لجليات العملاق الجبار الرب يحبسك اليوم في يدى.. كل اللى مطلوب نؤمن انه موجود و مش ممكن يتخلى.. حياتنا لا يمكن تختصر في أرض و عالم حينتهى.. مش ممكن يكون طموحنا بس زرعتنا ما تتخطفش من ايدينا.. فيه خلاص عظيم و مجد مستنينا.. البحر لما يهيج يا اما يخرسه بكلمه او يسيب موجه يتلاطم بس يقدر يمد ايده يمشينا عليه زى بطرس . ممكن المشاكل تفضل لحد ما نغادر لكن معيته تسند.. يمكن جوزك ما يتعدلش بس يوسع قلبك ليه.. يمكن يفضل النكد و الخصام مع شريكتك بس ربنا يمشيك على المية الهايجة لجل ولادك لجل خدمتك لجل ابديتك.. لايدع عصا الخطاة تستقر على نصيب ولاده علشان ما يضعفوش و يمدوا ايديهم للاثم.. ما يسيبهاش تخلص كده لماذا اصابتنا كل هذه ؟! يمكن علشان نتوب و نقرب منه فتصغر الدنيا في عنينا و نحس انها بظلمها بوجعها نفاية.. لماذا اصابتنا كل هذه ؟! يمكن علشان نعاين المجد و نحسه و نشوف ذراع الرب اللى بمحاولتنا و مجدافنا ما نعرفش نوصل المركب المينا.. بس بكلمة منه في وقت حتى لو متأخر حتى لو الهزيع الرابع يبكم البحر و للوقت نصير للمكان المعد لينا.. محاولاتنا البشرية و دماغنا بنتورط اكتر.. المنطق غالبا ما ينفعش لكن وجود الرابع شبيه ابن الإلهة وسط النار. . النار ما اتطفتش.. كان ممكن ينزل مطرة تخمدها. . لكن للرب طرق و مخارج.. ساعات من الوجع نصرخ لماذا اصابتنا كل هذه لكنه عند البطمة جالس و عينه علينا.. انك لا تفتر عن ان تسعى لخلاصي بكل الطرق.. موجود في كل حياتى معى في المى و احتباس دموعي و احتياجى.. لا تنسانى .. و لكنى كثيرا لا احتمل فاصرخ لما تركتنى.. لماذا اصابتنا كل هذه 
|
 |
|
العرض العادي
