احساسك ايه وانتي ف حضنه

[walaa farouk]

احساسك ايه وانتي ف حضنه
وبتحكي كل اللي مضايقك
عن كل اللي بيشغل بالك
عن هم مرافقك مش سايبك

ردت قالت .. ماشي هاقولك ..

انا قولتله كل اللي واجعني
عن ناس سايباني وبتبيعني
ومواقف ياما بتحصلي
توجعلى ف قلبي وتألمني
عن عالم ينهش ف هدومي
عن كل اللي بشوفه ف يومي
عن ظلم بيحرق زي النار
عن ناس غاويين يضطهدوني
وحكيتله كتير عن اوجاعي
قام قالي يابنتي مفيش داعي
انا عارف كل اللي ف قلبك
ارتاحي ونامي على دراعي
اصل انا مش جايبك للعالم
علشان تتهاني وتتداسي
م اللحظادي يابنتي ورايح
مش ممكن من تاني تقاسي ..
قولتله مرتاحه وانا ف حضنك
بطلب من وجعي تنجيني
قام قرب اكتر قوي مني
قال انتي وكل اللي يجيني
اوجاعكم راح تخلصوا منها
وحضني وباسني على جبيني ❤

[سندريلا الحياة]

الللللللله عالكلااااااااام الرائع جدااااااا

[Mary Naeem]

قال انتي وكل اللي يجيني
اوجاعكم راح تخلصوا منها
وحضني وباسني على جبيني

رووووووووووعة حببتي
ربنا يفرح قلبك

[walaa farouk]

ميرسى على مروركم الغالى