|
 |
 |
 |
|
رقم المشاركة : ( 1 )
11 - 10 - 2019, 11:18 PM
|
|||||||||||
|
|||||||||||
 " قلبى مجروح من داخلى " (مز 109: 22) فيه ناس بيبقى جرحها صعب .. القلب لما بينجرح بيبقى أصعب من وجع الجسد ! لما الواحد يبقى مجروح نفسياً ، ساعات الناس ما بتقدرش أو ما تستوعبش العذاب اللى هو فيه .. أو النأح الجوانى .. أو يعنى إيه مش قادر ينام من كتر ما أفكاره هداه .. المشاعر دى بتبقى صعبة أوى ! ساعات الواحد بيتكسف يتكلم لأن بيحس أن الناس مش هتفهمه أو مش هتقدر . فيه قاعده كتابية كده ، مش هتلاقى إجابة واضحة لسؤال ليه ؟ ليه أنا بيحصلى كده ؟! وليه بتوجع بزيادة مع إنه بيحبنى وليه فى لحظة ببقى متأكد أن ربنا معايا جداً ، وفى لحظة تانية بحسه زى اللى قالب على ! والشعور ده لازم يعدى علينا كلنا .. وبتوع ربنا بالذات بيعدى عليهم كتير لأنه لازم يدوقوا جثيمانى بتاعة المسيح ، لازم يدقوا صليب المسيح فيقولوا : " قلبى مجروح فى داخلى " والعلاج والدواء فى التسليم .. اعمل اللى انت عايزه يارب انا ماليش طلبات .. بطل تسأل ليه ! ده مش نكد ولا استسلام .. ده تسليم ! أول دوا نسعى فى اتجاه التسليم .. يا رب ساعدنى أقول من قلبى لتكن لا مشيئتى بل مشيئتك ! تانى دوا مهم السما .. انشغل بالسماء . . مش ممكن تطلع من جرح القلب إلا لما تطلع من محبة الدنيا وتبطل تتعشم فى الدنيا ! .. باطل الأباطيل الكل باطل ولا منفعة تحت الشمس ! مش ممكن تطلع من جرح القلب الشديد إن ما كانتش السما تشغلك ، الأرض تزود نكدك ، العشم فى الدنيا يزود الكآبه ، الأبدية هى اللى تدوقك .. أحلى ما فى التجارب والأحزان .. لما تلاقيها قفلت من كل ناحية هتقوله أنا عايز إيه ؟! ما أنا عايز السما .. خليها تتعقد هياخدوا منى إيه ، ياخدوا منى العمر ياخدوه ، ياخدوا الفلوس يخدوها ، خدمه ياخدوه ، كرامة ياخدوها ، أى حاجة ! تالت دوا هو الصلاة الدائمة .. لما تلطش قوى .. ماتطلعش بره الصلاة .. بره الصلاة القلب بيرجع يوجع تانى ! دوا آخر عن شركة الآلام .. اللى ينسى نفسه ويخدم غيره . . يستغرب روحه ازاى بقى مرتاح ومبسوط كده .. هتخدم مجروحين وأنت مجروح . . هتتفاجئ أن جرحك خف مازدش ! طب هيفضل حاجه واحدة بس .. المسيح فى السما بتاعته مين هيعرف ياخده ؟! من سيفصلنا عن محبة المسيح ، دى الحاجة الوحيدة اللى محدش هيعرف ياخدها ، افهم بقى .. حط السما قدام عينيك هتعرف تقول مع الكتاب : " إنى أحسب ان الآم هذا الزمان الحاضر لا تقاس بالمجد " اذا كان الصليب مجد .. والمرض مجد .. والذل مجد والظلم مجد .. والخيانة مجد والعار مجد والتهزيئ مجد .. وتعب الخدمه مجد ، طب وماله !! آخر دوا هقوله .. بص على الصليب .. لما تبص على الصليب هتنسى أنت إيه مشكلتك .. قارن كل مشاكلك ووجعك بوجع المسيح . . المراره اللى عدت عليك ما تجيش حاجه من اللى شافه ، الإله الحقيقى يحصله ده كله ! .. وشوف انت بشر ومش عارف تتحمل .. لكن هو الله وأتحمل ده كله علشانك ! مهما حصلنا إحنا بشر تراب يعنى .. إنما ربنا له المجد يقبل ده كله عشان يحايلنا ويصالحنا ويقولنا تأكدوا الوجع مهم ، اعرفوا انه ضرورى لأن أنا بدوقه معاكوا أهو .. بجتاز معاكوا نفس السكة الصعبة دى ! " ناظرين الى رئيس الإيمان ومكمله .. احتمل الصليب مستهينا بالخزى ، فجلس فى يمين عرش الله " مكملة يقصد بيها كمان كمل الألم .. كملت فيه هو لوحده .. عقبالك لما تشيل الصليب أنت كمان معاه . 
|
|
12 - 10 - 2019, 10:38 AM
|
رقم المشاركة : ( 2 ) | ||||
|
† Admin Woman †
|
رد: " قلبى مجروح من داخلى " (مز 109: 22)
" ناظرين الى رئيس الإيمان ومكمله .. احتمل الصليب مستهينا بالخزى ، فجلس فى يمين عرش الله " مكملة يقصد بيها كمان كمل الألم .. كملت فيه هو لوحده .. عقبالك لما تشيل الصليب أنت كمان معاه . في منتهى الجمال يا قمر ربنا يباركك |
||||
|
|
|
16 - 10 - 2019, 09:37 PM
|
رقم المشاركة : ( 3 ) | ||||
|
..::| الإدارة العامة |::..
|
رد: " قلبى مجروح من داخلى " (مز 109: 22)
ميرسى على مرورك الغالى  |
||||
|
|
 |
|
العرض العادي
