اخدم قلبك

[walaa farouk]

لما حد يزعلك ، دور عليه ، و دور له علي عذر
، و صالحه و اعتذر نيابة عنه لنفسك ..

حتي لو ما قدّركش، و حتي لو علاقتكم ما كملتش ،
و حتي لو كان اختياره انه يسيبك رغم كل الحب اللي قدمته
، أو كان اختيارك انت انك تبعد عنه علشان ما تتجرحش منه تاني ..

انت كده خدمته انك قدمت له محبة ممكن تغيره،
و شهادة عليه قدام ربنا انك عملت اللي عليك..

لكن كمان انت خدمت قلبك و ضميرك انت الاول :
نضفته من الغضب و الكره و المرار ..
و كمان انت زرعت في أرضك
خير ح يتعمل لك بكرة و يلف و يرجع لك تاني و اكتر ..

و لما الليل يجي ح تلاقي نومتك مريحة
و مخدتك هادية و أحلامك طيبة و ملايكتك حواليك فرحانة ..