|
 |
 |
 |
|
رقم المشاركة : ( 1 )
12 - 09 - 2019, 11:00 PM
|
|||||||||||
|
|||||||||||
 اوقات بسأل نفسي ليه صحاب زمان وعشره زمان ممكن انهارده لما يسمعوا اسمك يرفضوك. هل اختلفت أفكارنا؟ هل صدقوا عنك حاجات ماشوفهاش منك؟ هل انت نفسك غلطت في تصرفات معاهم؟ اسئله كتير.. لكن لو حتي كل الاسئله دي. ليه العشره ماتلزمناش اننا نحافظ عليها يعني أفكارنا اختلفت لكن تفضل عشرتنا سمعوا كلام غلط يجوا يستفسروا منك انت نفسك غلطت يجوا يعتبوك علي ما اعتقد ده المفروض لكن ليه العشره الجميله اللي بقالها سنين وعمر تتحول فجاءه لعدم حب.. او حب مزيف.. او احضان كدابه. او ابتسامات صفره. . او سؤال عليك لمجرد بس يعرفوا عنك مش يطمنوا عليك. . وتتحول اوقات لحقد وكلام بالباطل.. ومجرد اسمك يجي يرفضوا حتي ان حد يذكره زي ما مزمور ٥٥ قال (لأنه ليس عدو يعيرني فأحتمل. ليس مبغضي تعظم علي فأختبئ منه بل أنت إنسان عديلي ، إلفي وصديقي الذي معه كانت تحلو لنا العشرة. إلى بيت الله كنا نذهب في الجمهور) علي ما اعتقد ده بسبب حاجه واحده بس ان العشره اتبنت غلط اكتشفت ان في صداقه باقت صداقه علشان انت موجود بس في دايره لكن مش صداقه علشان هما بيحبوك اكتشفت ان في قاعدات وخروجات انت واحد من ضمن الناس لكن عمرك ماكنت الأساس عارف لو ركزت لحظه هاتتاكد أن ياما حاجات كنت انت تقول مش هاقدر ابقى معاكوا فيها تلاقيهم بيعملوها عادي حتى لو انت مش معاهم لكن لو حد منهم قال مش هابقي فاضي تلاقي كل حاجه وقفت لحد ما الشخص ده يفضي العشره ماكنش عشره. هي كان زحمه وانت فيها وبس بس انا مش عاوزك تكون مجروح لما تلاقي عشره العمر باقوا يدوروا وشهم لما يشوفوك عاوزك تبص لعمل الله معاك عاوزك تبص علي النعمه اللي الله ادهالك ومش مديها لحد اوعي تبص علي البير اللي رموك فيه. ولا البيعه اللي باعوهالك. لكن بص علي عمل الله معاك. ده اللي هايخليك تفضل باصصلهم بعين الشفقه والعطف لانهم في مجاعه وانت اللي عندك الشبع اشبعهم من خير الله اللي جواك حتي لو كنت مجروح منهم صدقني هاتلاقي نورك زاد اوي 
|
 |
|
العرض العادي
