|
 |
 |
 |
|
رقم المشاركة : ( 1 )
22 - 08 - 2019, 11:32 AM
|
|||||||||||
|
|||||||||||
 "لا تحولوا رجال الله الي قارئي كف " ١:متعرفش كاهن او راهب عنده شفافية ؟ ٢: - شفافية ازاي يعني ؟ ١: يعني بيعرف يشوف المستقبل ؟ ٢: - اااه قصدك بيعرف الغيب ؟ ١:ايوة .. محتاج يقولي علي شوية حاجات بخصوص اللي جاي . ٢:- اعرف كتير ١: بجد 😍😀 ٢: السيدة عيشة مليانة كتير ١: السيدة عيشة ! هو فيه هناك كنيسة ؟ ٢: لأ .. بس فيه قارئي فنجان وقارئة كف هناك عشرة علي عشرة . ١: ياعم انت هتهزر ؟ ٢: صدقني ده المناسب لاحتياجك ده .. لكن القديسين من الكهنة والرهبان مش هيفيدوك خالص . ١: مش هيفيدوني ازاي ؟ ٢: لو قديسين بجد هيخلوك تصلي وتصوم وتتناول وتقرا الكتاب المقدس وتعرف مشيئة ربنا لحياتك . ١: امممم .طب اديني عناوين بتوع السيدة عيشة كدة . ٢ : اوكي اكتب عندك .......... .... ... يا جماعة من فضلكم متحولوش رجال الله لدجالين وقارئي الكف .. خلال الشهر ده جالي السؤال ده بالنص كتير "متعرفش حد قديس يكون بيشوف اللي جاي" ؟؟ .. صدقوني في الحياة الروحية السليمة مافهاش الكلام ده .. هو ذات نفسه ميعرفش بكرة فيه ايه بالنسباله ومكانش ربنا غلب .. كان قال لكل واحد حياته هتمشي ازاي وريح نفسه وريح كل حد .. لكن الحياة مغامرة ايمان فيها بتمشي مسيرة مع الله وهو اداك عقل يميز الصح من الغلط واداك الكتاب المقدس فيه فكره وكلامه وتعليمه . . اما بخصوص موهبة النبوة فوارد ان الشخص وهو بيصلي لاجلك ربنا يكشف له امر معين بغرض انه يحذرك او يبكتك او يتوبك او ينقذك او يطمنك .. يعني بيكون صوت ربنا ليك عن طريق ان يكشف له امره معين ويقولهولك .. لكن شغل انك تروح تقوله عرفني ايه اللي هيحصل في الامر الفلاني وهتجوز الشخص ده ولا لا .. واتجوزه ولا متجوزهوش ؟؟ . . والكلام ده الافضل ليك تروح لدجال او قارئة الفنجان هينفعوك اوي وهيبسطوا دماغك اوي .. موهبة النبوة او بالبلدي الشفافية موهبة مهمة جدا في الكنيسة ولها دورها وربنا بيستخدمها ومديها لقديسين كتار عايشين بيننا لكن الافضل نفهمها صح بدل مانحولها لدجل وعرافة . بدل ما تقوله ايه اللي هيحصل معايا بكرة ؟ اسأله علمني اعيش زيك متطمن لبكرة . وبدل ما تقوله شوف لي ايه اللي هيحصل في الجاي؟ قوله علمني اعيش مع المسيح في اللي جاي . صدقني لو ده شوق قلبك فعلا .. هتتعلم كنوز وهتفرح قلبه جدا لو هو قديس حقيقي .. "لا تحولوا رجال الله الي دجالين و قارئي كف" 
|
 |
|
العرض العادي
