انت ايضا يجوز في نفسك سيف ( لو 35:2)
اوع تزعل او تتذمر او تتضايق لما يكون عندك مشكلة او ضيقة او تجربة
اوع تقول ازاي وانا ابن ربنا يحصل معايا كده
اوع تشك لحظة ان ربنا سايبك
افتكر دايما الست العدرا كانت شغالة شغلانة متعبة جدا
وهي انها بتشيل وتنظف بقايا الذبائح
وتمشي بيها في عز الحر لمكان بعيد علشان تتحرق
افتكر انها مالقتش مكان تولد فيه غير زريبة
افتكر انها هربت بالطفل لمصر ورحلة شقاء
وكل لما تدخل مكان الاصنام تقع ويطردوها منه
افتكر انها مع كونها ام الاله كانت حياتها مش مرفهه
افتكر وقفتها عند الصليب
لكن مع كل ده كانت شاكرة واثقة في محبة ربنا ليها
والسنده القوية منه مع كل التجارب دي
علشان كده بقيت السماء التانية
كل ماتبقي في ضيقة او مشكلة او عندك طلبة معينة
قولها ياعدرا يا ام النور دبري كل الامور
