|
 |
 |
 |
|
رقم المشاركة : ( 1 )
06 - 08 - 2019, 02:35 PM
|
|||||||||||
|
|||||||||||
 سيبه يكسب دور جملة عبقرية بيقولها اجدادنا اثناء لعب الطاولة أو الدومينو ، علشان ما يسيبش اللي قدامه حاسس بالهزيمة علي طول و يفتح نفسه لللعب !! و كانوا يستضعفوا في دور و هم بيلعبوا مع اولادهم أو احفادهم، و يضحكوا من قلبهم و هم سامعين كلمة "غلبتك يا جدو " .. حكمة جميلة في الدنيا ، مش لازم تكسب علي طول، بالعكس فيه مرات -بس بحكمة و خبرة- تحسس اللي قدامك انه كسبان ، أو انتم الاتنين كسبانين، علشان لو حسسته انه قليل قدامك ح يغير من نجاحك و يتعب و يتعبك!! كلام جميل تعمله في علاقتك بالناس ، مع اصدقاءك او اولادك .. ما تحسس حد انك كبير عليه أو فاهم عنه حتي لو دي حقيقة .. ما تنورش كتير قدام الناس و تقعد احكي عن علاقاتك و انجازاتك و تفوقك ، لتتعب عينيهم ، و تثير حقدهم عليك .. افتكر ان يوسف الصديق كان ببساطة قلبه كان السبب في غيرة اخواته منه بسبب قميصه الملون اللي كان يحب يلبسه دايما قدامهم ( من غير قصد و هو فرحان به) ، و كمان بسبب كتر كلامه عن الأحلام اللي كان بيشوف فيها الشمس و القمر و الكواكب ساجدين ليه !! (تكوين ٣٧).. و زمان اجدادنا علمونا "داري علي شمعتك تقيد " .. طيب و آية "ليظهر نوركم قدام الناس" نوديها فين ؟؟ المقصود أن نورك يبان لوحده مش تعمله اعلان !! و لو ظهر نورك ده لوحده، قل للناس ده نور ربنا اللي جاي من عنده " .. و ده اللي اتعلمه يوسف لما كبر و نضج ووقف قدام فرعون يفسر له الاحلام "فقال فرعون ليوسف: «حلمت حلما وليس من يعبره. وأنا سمعت عنك قولا، إنك تسمع أحلاما لتعبرها». فأجاب يوسف فرعون قائلا: «ليس لي. الله يجيب بسلامة فرعون». (تكوين ٤١) .. الدرس : سيب غيرك ينور معاك ، أو حتي قبلك ، و سيبه يشعر بنجاحه .. سيبه يفرح و يفرح قوي .. 
|
|
06 - 08 - 2019, 03:49 PM
|
رقم المشاركة : ( 2 ) | ||||
|
† Admin Woman †
|
رد: سيبه يكسب دور
سيب غيرك ينور معاك ، أو حتي قبلك ، و سيبه يشعر بنجاحه .. سيبه يفرح و يفرح قوي .. رووووووووووعة حببتي ربنا يفرح قلبك |
||||
|
|
|
08 - 08 - 2019, 01:47 AM
|
رقم المشاركة : ( 3 ) | ||||
|
..::| الإدارة العامة |::..
|
رد: سيبه يكسب دور
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الشيطان يكسب لكن .. |
| الامل يكسب |
| يكسب بيك ناس كتير |
| ادم يكسب |
| يكسب |
العرض العادي
