|
 |
 |
 |
|
رقم المشاركة : ( 1 )
04 - 08 - 2019, 08:27 AM
|
|||||||||||
|
|||||||||||
 ياعم صدعتنا بالاجتماع بتاع الشباب هو يعني مش هبقي حلو غير لما احضر و ايه كمية الربط ما بين انك تدعم بالهدايا و فلوس و اني احضر هو ربنا في الاجتماع بس انا بروح القداس مع نفسي و بعترف و كويس!! دي مبررات الشباب .. فعلا هتستفاد ايه؟ هو ايه المنبر الكنسي اللي بيخاطب عقلك؟ بتحب عظة الجمعة في القداس مثلا ؟ بتجيب معلوماتك منين؟ تعرف ايه عن ربنا و المصدر بتاعك ايه؟ الاجتماع الخاص بالشباب هو مصدر معلومات خلينا نتفق انك قليل القراءة جدا و ان معلوماتك كلها سماعي .. يبقي علي الاقل يكون عندك مصدر واحد للمعلومات عن ربنا. الاجتماع هو فرصتك علشان تخرج من التفكير السطحي و تعرف ناس و تتعامل و تقرب من خدامك و تاخد منهم و تفهم اكتر .. قاعدة القهوة هتمحي كل تفكيرك هتحولك لانسان روتيني جدا .. انا مش ضدها بالمناسبة.. لكن ضد انها تتحول اسلوب حياة ياخد من وقتك و شبابك. الاجتماع بيصنع شخصيتك لما تشارك فيه .. تتعلم تقف علي منبر .. تتعلم تسبح .. تتعلم تصلي .. تتعلم تفكر .. تتعلم تحب . . تتعلم تدخل في مجموعات و تكون اجتماعي. انت بتروح القداس بالزق اصلا .. و الصلاة بردوا .. و الاعتراف يعني . . فبلاش اسهل حاجة ممكن تروحها براحتك و مرتاح في وقت مناسب هتصلي و تسمع عن ربنا تضيعها هي كمان. ( و لما رجلك تتعود علي الكنيسة و جسمك يتعود علي قاعدة الكنيسة في اجتماع ساعتين هتقدر تدخل تحضر قداس او تسبحة ساعتين) مفيش حاجة اسمها اصلي مبتعلمش حاجة .. كل الاجتماعات اي ان كانت بتقدم معلومات و افكار .. اللي عايز يتعلم هيلاقي. انت بتتملي و مش واخد بالك بلاش تتفه من اقل حاجة بتوصلك لانها اساس لاكبر حاجة هتحصلك. 
|
|
04 - 08 - 2019, 12:36 PM
|
رقم المشاركة : ( 2 ) | ||||
|
† Admin Woman †
|
رد: بلاش تتفه من اقل حاجة بتوصلك
انت بتتملي و مش واخد بالك
بلاش تتفه من اقل حاجة بتوصلك لانها اساس لاكبر حاجة هتحصلك صح الكلام ربنا يباركك |
||||
|
|
|
06 - 08 - 2019, 04:02 AM
|
رقم المشاركة : ( 3 ) | ||||
|
..::| الإدارة العامة |::..
|
رد: بلاش تتفه من اقل حاجة بتوصلك
ميرسى على مرورك الغالى  |
||||
|
|
 |
|
العرض العادي
