اخذت قدره

walaa farouk · رقم المشاركة : ( 1 ) 22 - 07 - 2019, 12:26 AM

بالإِيمَانِ سَارَةُ نَفْسُهَا أَيْضًا "أَخَذَتْ قُدرَةً" عَلَى إِنْشَاءِ نَسْل
، وَبَعْدَ وَقْتِ السِّنِّ وَلَدَتْ، إِذْ حَسِبَتِ الَّذِي وَعَدَ صَادِقًا.
الابتسامه المعهوده لما بتقرا الايه دى والكلمات المعتاده عن اد ايه بيعوض
واختصار كلام كتير بان المعجزه ان ساره خلفت ونقطه
بس الحقيقى ان المعجزة والمبهر هوفى الجمله دى "اخذت قدره "
ساره مش بس خلفت ساره اخدة قدره على تكوين بيئه وظروف حياة لطفل فى رحم شاخ وعجز.
ساره اخدت قدره صمود على حلم اترجته من سنين
ساره اخدت قدره تعيش ظروف ام شابه بجسد امراة عجوز .
. هو مبيديش الحلم بس هو بيدى وقت وظروف وطاقه واحتمال تحقيقه
..هو بيدى عضلات تصنعه هو بيدى كتاف تتحمل ضغط وتحدى الظروف
هو بيدى قدره نعاند بيها الفشل والاحباط
هو بيدى بصيره تخليك تشوف طريقك وسكتك
هو بيدى حيل تخطى بيه اول سلمه فى حلمك .
.وبيدى عظيم الشرف واروع مجد انك. تصنع معاه حلمك. بنفسك
مش بطريقه خزعبليه او فرقعه فى الهوا ..معجزه ساره كانت مختلفه
لانه مش بس ادى ابن فى عمر الياس والفرص الضايعه لكن ادى من تانى فرصه
خلق احشاء تستوعب حجم الحلم العظيم اللى استنته .
المبهر مش انه يديك استجابه لحلم..
لكن انه يخلق فيك رحم جديد قادر على استعاب حلمك المبهر
انك تاخد قدره تصنع بيها الحلم والمستحيل وسط ما الواقع والمنطق والوضع بيرفض

Mary Naeem · 22 - 07 - 2019, 01:04 PM

لكن انه يخلق فيك رحم جديد قادر على استعاب حلمك المبهر
انك تاخد قدره تصنع بيها الحلم والمستحيل وسط ما الواقع والمنطق والوضع بيرفض

مشاركة جميلة جدا
ربنا يبارك حياتك

walaa farouk · 23 - 07 - 2019, 12:04 AM

ميرسى على مرورك الغالى اخذت قدره