تقبل انك تكون قناة للبركة في ايد الرب

[walaa farouk]

تقبل انك تكون قناة (للبركة) في ايد الرب ؟
يمكن الاسم يعجبك وتقول أيوة طبعا
لكن لازم تعرف :
ان القناة بيشربوا منها او يعدوا من خلالها فقط ويمشوا ..

يعني يستفيدوا من خدمتك ويمشوا ..
يستفيدوا من علاقاتك ويمشوا ..
يستفيدوا من معلوماتك ويمشوا ..
يستفيدوا من كلامك ويمشوا ..
يستفيدوا من مادياتك ويمشوا ..
يستفيدوا من مياهك وطبيعتك ويمشوا ..

والاصعب انك هتكون محطة بيعدوا من خلالها
وبيتنقلوا من بر لبر ..
يعدوا من حزن ل فرح ..
يعدوا من حيرة ل يقين ..
يعيدوا من فقر ل شبع ..
يعيدوا من جهل ل معرفة ..

هيعدوا من خلالك فقط .. وهيمشوا
وهينسوك بعد ما يوصلوا
ما هو طبيعي مفيش حد بيروح يشكر قناة مياه
بس انت اللي قبلت تكون قناة في ايد الرب
وانت مالكش اي فضل لكن الكل منه
وهو اللي صنع القناة دي ..

الصعوبة كلها ان الكل بيعدي من خلالك ويمشي ..
بس متخافش الرب بنفسه معاك ومش هيمشي ..
وهيفضل يستخدمك تعدي ناس كتير ..

وافرح لانك مش هتكون زي ملايين البشر
اللي بيعبروا من فوقيك
مش هتكون شخص جه للحياة زي غيره
عدي ومشي
لكن هيكون شخص اسمه خالد في الملكوت
هيتكتب في السما والارض
ان الشخص ده كان قناة عدت وباركت ناس كتير

غير المكافأت والبركات السماوية

لكن قبل المكافأت والبركات
فكر في التكلفة
تقبل تكون قناة في ايد الرب؟

هكذا سألني الله اليوم عندما استيقظت !

[Mary Naeem]

تقبل تكون قناة في ايد الرب؟

هكذا سألني الله اليوم عندما استيقظت !

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى