|
 |
 |
 |
|
رقم المشاركة : ( 1 )
21 - 07 - 2019, 12:47 PM
|
|||||||||
|
|||||||||
|
قصة اليوم الكوتشى المقطوع واحد صاحبه زاره بيفرجه على صور عيد السنة اللى فاتت كان متصور مع ولاد عمه صاحبه قاله ايه دا ؟؟؟ الكوتشى بتاعك مقطوع وقديم ليه كدة قاله عادى يا عم بس فى الحقيقة هو مش عادى اهله ظروفهم مش حلوة وكمان هما مابيهتموش بالحاجات دى مكانتش فارقة معاه بس مايمنعش انه كان بيتضايق شوية برضه ولد فى سن اعدادى من حقه يحس بفرحة العيد زى اصحابه وقرايبه بس المرادى حس انه اتجرح وخصوصا ان صاحبه قالهاله بطريقة معايرة وبعدها حط رجل على رجل علشان يوريله الكوتشى الجديد غيظ اطفال بقى،فضل ماسك نفسه لحد ما صاحبه مشى اول ما بقى لوحده انفجر ف العياط لكن ماطولش ف البكا وعلطول اتماسك مسح دموع وخرج لاهله وقالهم انا من بكرة هادور على شغل قالوله ركز ف مذاكرتك،قالهم هاعرف اوفق .. جربونى .نزل يشتغل وكان بينجح خلص اعدادى ف ثانوى ف كلية تجارة كان شاطر وبيعرف يجيب قرش البركان اللى كان جواه كان مديله طاقة كبيرة خلص كليته وبدا يركز فى شغله رمى الشهادة، وقرر بالفلوس اللى جمعها من شغل السنين اللى فاتت يفتح محل جزم..عدي وقت والمكسب زاد ،حاولوا اهله يقنعوه بالجواز قالهم مش هاهدر فلوسى دلوقتى .. محتاج لكل قرش قالوله ما انت عندك محل بيكسب كويس قالهم بالفلوس اللى معايا هافتح المحل التانى محل يجر محل لحد ما بقيوا كتير عشر سنين واتجوز جوازة محترمة ومحلاته بتكتر عمل حملة سماها .. اوعى تعيد بجزمة مقطوعة او قديمة نسق مع كبار كل منطقة فاتح فيها محل انهم يبعتوا الناس الغير قادرين على المعيشة ونبه على مديرين المحلات اللى ييجوا من طرف الناس دى يختارولهم اغلى واحلى جزم او كوتشيهات وببلاش كانت نسبة الخير اللى بيخرجها حوالى ١٠ ٪. الفلوس كترت كمان والمحلات كترت اكتر واكتر وبقى عنده محلات ف كل محافظة وورش جزم خاصة بيه بيفرش بيها محلاته ويبيع جملة لباقى المحلات قرر يزود نسبة الخير ل ٢٠ ٪ من ربحه واتفق مع الناس اللى تعرف الناس البسيطة انه هايتكفل بلبس العيد ليهم كمان كل ما يزود نسبة الخير رزقه يزيد لحد ما وصلت نسبة الخير ل ٨٠ ٪ نسبة من مكسبه كان بيشوف الغير قادرين عالجواز ويفرشلهم شققهم كاملة وكانت بتوصل لانه ممكن يجيبلهم شقق مراته قالتله مش كتير ال ٨٠ ٪ دى قالها عارفة ان ((( ال ٢٠ ٪ ))) اللى بيتبقوا لينا اضعاف ((( ال ١٠٠ ٪ ))) اللى كانوا بيدخلولى الاول ربنا بيرزقنى علشان اساعد الناس انا كل ما بادى الناس ربنا بيقولى انت مش اجدع منى وبيرزقنى اضعاف تعدى الايام وهو راكب عربيته وواقف ف اشارة شاف حاجة لفتت انتباهه جداً قال للسواق ابقى اركن بعد ما تعدى الاشارة وانا شوية وجايلك نزل علشان يتأكد من اللى شافه شاف واحد مرمى على الرصيف ومتبهدل جداً قاله انت مش عارفنى .. ماردش عليه واحد فارش جنبه قاله .. مش هايرد عليك هو مابيكلمش حد .. بقاله سنين قاعد القاعدة دى الناس بتعطف عليه وهو ف حاله ومابيكلمش حد ماهديش غير لما جاب اصل الرجل دا اللى ف دماغه طلع صح هو صحيح عدي اكتر من عشر سنين على اخر مرة شافه فيها بس دا بالذات مايقدرش ينساه هو ((( صاحبه ))) اللى (( عايره ))) زمان بـ ((( الكوتشى المقطوع ))) اخوات صاحبه بعد موت والدهم اخدوا نصيبه ورموه ف الشارع عقله ماستوعبش اللى حصل وفضل يلف ف الشوارع ومن رصيف لرصيف ومن يومها مانطقش رجع تاني اخده من عالرصيف وجاب ناس متخصصة حلقوله شعره ودقنه وحموه ولبسوه لبس كويس وخده وداه مستشفى للعلاج النفسى فضل وراه لحد ما اتعالج وبعد ما خرج اداله شقة فى اكبر عمارة من العمارات بتاعته مسكه ادارة محل من محلاته واتكفل بجوازته كلها مراته لما عرفت قصة الرجل دا قالتله غريبة واحد غيرك كان كل يوم يروح يعدى عالحتة اللى قاعد فيها علشان يشمت فيه قالها بالعكس دا انا فكرته بنفسى ((( وشكرته ))) وهافضل كل يوم اشكره كل اللى انا فيه دا بسببه من بعد ربنا لولا الموقف دا ماكنتش اتحديت نفسى ويا مين عالم كنت هابقى ايه اكيد كنت هابقى حد عادى عايش بالموجود وخلاص لكن النار اللى اتزرعت جوايا من معايرته انا حولتها لوقود خلانى اجرى لقدام ومخلانيش اقف ولا ابص ورايا لحظة هو قصد بيا شر لكن ربنا قصد بيا خير ربنا بعتهولى مخصوص علشان يكون نقطة البداية لمشوار طويل انا باحبه وهافضل طول عمرى اشكره واشكر ربنا انه بعتهولى علشان كدة لازم اكرمه ويكون ف افضل حال زى ما ربنا خلانى .. فى أفضل حال “وَكُلُّ مَا فَعَلْتُمْ، فَٱعْمَلُوا مِنَ ٱلْقَلْبِ، كَمَا لِلرَّبِّ لَيْسَ لِلنَّاسِ،” ** 
|
|
21 - 07 - 2019, 02:59 PM
|
رقم المشاركة : ( 2 ) | ||||
|
..::| الإدارة العامة |::..
|
رد: قصة اليوم الكوتشى المقطوع
ميرسى على القصة الجميلة |
||||
|
|
|
22 - 07 - 2019, 12:43 PM
|
رقم المشاركة : ( 3 ) | ||||
|
† Admin Woman †
|
رد: قصة اليوم الكوتشى المقطوع
وَكُلُّ مَا فَعَلْتُمْ، فَظ±عْمَلُوا مِنَ ظ±لْقَلْبِ، كَمَا لِلرَّبِّ لَيْسَ لِلنَّاسِ،
صح يا قمر ربنا يباركك حببتي |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| يُقدم سفر دانيال لنا السيد المسيح بكونه الحجر المقطوع في الكتاب المقدس |
| أنكِ تسعفين المقطوع رجاهم أنفسهم |
| اقلع الكوتشى قبل ما تدخل |
| لماذا البنطلون المقطوع؟؟؟!!! |
| الانف المقطوع |
العرض العادي
