|
 |
 |
 |
|
رقم المشاركة : ( 1 )
20 - 07 - 2019, 05:41 AM
|
|||||||||||
|
|||||||||||
 هو الحلو بيكمل ؟ اتعودنا نقول "الحلو اللي ما بيكملش" .. جاب في الثانوية مجموع كبير بس ما لحقش الكلية اللي نفسه فيها .. اشترينا شقة حلوة بس طلعت اوضها ضيقة ، أو بعد ما اتعاقدنا لقينا واحدة أرخص.. لقينا القماش بس ما لقيناش اللون اللي بندور عليه .. بعض ما حجزنا قاعة الخطوبة لقينا واحدة اقرب و أرخص.. الولد اللي حبيته طيب و متدين و شهم بس مش غني .. اللي بيخللي الحلو حلو، نظرتك انت ، رضاك، و فرحتك باللي ربنا اداهولك.. الحلو بيكمل "بالرضي" ، و بفرحة القلب باللي بين إيديك.. انت بس تصلي و تمشي في خوف ربنا ، و تجتهد علي قد ما تقدر ، و تفرح باللي جالك ، و ح تلاقي كل حاجة تحلو في عينيك.. التفكير في اللي مش عندك مرار ، و الندم علي الفرص اللي راحت منك مرار المرار ، و المقارنة باللي عند غيرك أمّر من الكل .. اصل العين مش بتشبع بكتر اللي عندها ، بتشبع بالرضي حتي بالقليل .. و الرضي دي نعمة كبيرة بيديها ربنا للي بيشكروه علي عطاياه ، و بيعرفوا يفرحوا باللي بين أيديهم.. الرضي يخللي الفقير اغني من اي غني ، و فرحان اكتر منه حتي لو اللي عنده قليل جدا .. الرضي بيخللي الحلو يكمل ، و يبقي أحلي حاجة في الدنيا .. 
|
|
20 - 07 - 2019, 11:55 AM
|
رقم المشاركة : ( 2 ) | ||||
|
† Admin Woman †
|
رد: الحلو بيكمل بالرضي
الرضي بيخللي الحلو يكمل ، و يبقي أحلي حاجة في الدنيا
مشاركة جميلة جدا ربنا يبارك حياتك |
||||
|
|
|
21 - 07 - 2019, 03:46 AM
|
رقم المشاركة : ( 3 ) | ||||
|
..::| الإدارة العامة |::..
|
رد: الحلو بيكمل بالرضي
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| تشعر بالرضى من انتقاص الآخرين |
| بيكمل لنا الاحلام |
| خليك ابن بيكلم امه |
| طفل بيكلم ربنا |
| واحد بيكلم ناموسة |
العرض العادي
