| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
16 - 07 - 2019, 10:33 AM
|
|||
|
|||
|
من فترة كنت نازل اشتري ماوس للكمبيوتر وكان معايا بنتي ... فأديت الراجل ٢٠٠ جنيه ... رجعلي ١٣٠ جنيه . خدتهم ورحت اشتري طلبات تاني ... وانا بطلع الفلوس علشان احاسب لقيت ال ١٠٠ جنيه مقطوعه ، اتضايقت اوي !!! حاولت ابرمها في بعضيها علشان ياخدها من غير ماياخد باله . لكن للاسف خد باله ورجعهالي وقالي شوف غيرها . بنتي قالتلي رجعها لعمو اللي اديهالك ، قولتلها بعدنا عنه وانا مستعجل خدتها ومشيت وانا متضايق اني مابصتش في الفلوس كويس نتيجة الاستعجال المهم بقى كل همي اني اصرفها . رحت السوبر ماركت ... لقيت عيل صغير بيبيع . قولت كويس مش هياخد باله منها . برمتهاله واديتهاله ! راح رماها في الدورج واداني الباقي . خدت الطلبات والباقي ومشيت وانا فخور بنفسي اني انتصرت وضحكت عليه وبقول لبنتي ... الولد خدها خلاص وضحكنا عليه ! لكنها قالتلي كلمة رنت في ودني . قالتلي " برافو يابابا ضحكنا عليه " ! اتضايقت من نفسي ان دي التعاليم اللي بعلمهالها . وقبل مافتح باب العربية ... لقيت نفسي برجعله تاني وبقوله . انا اديتك فلوس مقطعه ... هاتها وخد مكانها سليم . الولد طلعها من الدورج ولقاها مقطوعه فعلا . ادهاني وهو متضايق انه مابصش فيها واستغرب اني راجعله . ساعتها مشيت فرحان اني ماضحكتش عليه خصوصا لو صاحب المحل شافها كان ممكن يخصمها منه او يمشيه بسببها . وفي نفس الوقت صلحت لبنتي تفكيرها ... وفهمتها ان اللي مقبلوش على نفسي ماقبلوش على غيري ... بعدها قررت اديها لبنتي تشيلها في حصالتها . قولتلها كل لما تبصي فيها افتكري درس مهم جداً " الامانه والتعامل بصدق " ... علموا ولادكم من صغرهم ان الفهلوة والضحك على الناس مش شطارة ... لكنها خيبه والامانه في التعامل بينعكس عليها الامانه في المشاعر وفي كل شئ علشان اولادك يكبروا في مخافة الله اولاً ... وانهم يكونوا قد المسؤلية بكل صدق ... 
|
|
#2
16 - 07 - 2019, 12:27 PM
|
||||
|
||||
|
الامانه والتعامل بصدق صح الكلام ربنا يباركك
|
|
#3
16 - 07 - 2019, 12:38 PM
|
||||
|
||||
|
ميرسي على الموضوع الجميل
ربنا يفرح قلبك
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| علمنا نحب كل الناس يارب | walaa farouk | أقوال الأباء وكلمة منفعة | 0 | 06 - 09 - 2022 08:00 PM |
| علموا أولادكم الصلاة من صغرهم | walaa farouk | صورة وتعليق | 2 | 15 - 05 - 2019 10:50 PM |
| علموا ولادكم الوقفة دى | walaa farouk | صورة وتعليق | 5 | 06 - 08 - 2018 09:33 PM |
| علموا ولادكم التوازن | Rena Jesus | الأسرة والطفل | 6 | 23 - 01 - 2017 01:02 PM |
| علموا ولادكم بإبداع | Rena Jesus | الأسرة والطفل | 5 | 23 - 01 - 2017 01:02 PM |
العرض العادي
