يا بختك لو صورته في ذهنك صح

walaa farouk · رقم المشاركة : ( 1 ) 07 - 06 - 2019, 02:21 AM

الاوقات اللي بمشي فيها في الشارع لوحدي في جو هادي ..
هي من اكتر الاوقات اللي بسمع فيها ربنا ..
وهي الاوقات اللي بشاركه فيها بكل انواع الكلام : عتاب ، شكوي ، شكر ،تسبيح .
. وهو بيرد بسلام وتعزية واحيانا وعد لكن من الحاجات برضو اللي بيكلمني فيها .
. لما يبكتني ويقولي انت ماشي غلط في النقطة دي او يوبخني
ويقولي انت ظلمت فلان في كذا او انت مقصر في كذا ..
او يقول لي اعتذر لفلان عن كذا

الحاجات دي هي اللي بتخليني افتخر ان عندي اب حقيقي عادل
و بيحب حب حقيقي مش حب مضر ..
حب بيبكت مش بيستهون حب بينصف مش بيظلم ..

حب بيقول انت غلطان مش بيقول انت زي الفل وانت ضايع ..

ناس كتير ليروجوا لله انه "اله المصباح" او الاله اللي علي طول في صفي .
. الاله اللي مش بيقولي غير كلام حلو ..
وكل كوارثي بيقولي فيها انت زي الفل وماتقلقش ..
اله بيقول وعود خيالية وكله هيبقي تمام ..
صورة الاله بالشكل ده بتزيف جدا حياة الانسان ..
ولو وقت ابتديت احس ان مفيش اي تبكيت وعلي طول مظلوم
وانا مش ظالم حد ببتدي ارجع اشوف صورة الاله كويس .

. لان الصورة دي بتزيف حياة الانسان .

يابختك لو ابوك السماوي هو اللي بيبكيك وبيبكي عليك ،

مش بيضحكك ويضحك الناس عليك .

يا بختك لو صورته في ذهنك صح !

Mary Naeem · 07 - 06 - 2019, 01:54 PM

يابختك لو ابوك السماوي هو اللي بيبكيك وبيبكي عليك ،

مش بيضحكك ويضحك الناس عليك .

يا بختك لو صورته في ذهنك صح

مشاركة جميلة جدا
ربنا يبارك حياتك

walaa farouk · 08 - 06 - 2019, 01:05 AM

ميرسى على مرورك الغالى يا بختك لو صورته في ذهنك صح