|
 |
 |
 |
|
رقم المشاركة : ( 1 )
06 - 06 - 2019, 01:35 AM
|
|||||||||||
|
|||||||||||
 باسها وقال لها مش هاتأخر عليكى ..طب هتجيب لى معاك مصاصة؟ عينيا يا قلب ابوكى .. بس تسمعى الكلام خَد شنطته على كتفه ونزل .. وبعد مانزل ع السلم دور واحد ..قلبه اكله .. رجع طلع تانى جرى ..ايه اللى رجعك .. هتتأخر كدة قال لها .. اصلها هتوحشنى قوى جرى على اوضتها .. لقاها واقفة فى البلكونة ..عشان تبص عليه .. سلمى .. ايه دا .. انت جيت تانى ..اصل نسيت حاجة مهمة .. انا اخدت منك بوسة واحدة بس كنت عايز بوسة كمان وحضن جريت اترمت فى حضنه ..وقعدت تقول له .. وانت جى اوعى تنسى .. عايزة مصاصة فراولة ولبان نعناع وبسكوت شيكولاتة وعصير .. حط شنطته على كتفه ..ونزل .. وقلبه واجعه .. كلمة "وانت جى" رنت فى ودنه ..اشمعنى المرة دى غير كل مرة .. ليه حابس دموعه بالعافية ليه بيسلم عليهم كأنه هيوحشهم اكتر من كل مرة .. خرج من باب البيت ..بص لفوق .. لقاها واقفة بتبص عليه .. من بين حديد البلكونة .. ومطلعة ايديها الصغيرة وعمالة تعمل له باى باى ..ورغم ان كان كل اللى فاصل بينهم .. حديد البلكونة ..بس حس ان اللى بينهم .. قضبان تقيلة ..ساعتها حس .. انه نفسه ايده تطوَل عشان يلمسها .. تروح وترجع بالسلامة يابنى ..عم فرج .. الله يسلمك بقولك ايه ..هات ظرف وورقة وقلم كتب كلمتين على الورقة وحط فلوس وقفل الظرف .. بص ياعم فرج ..لو حصل لى اى حاجة .. افتح الظرف واقرا اللى فيه بعد الشر عليك يابنى .. اسمع بس ..انا لازم اطلع على وحدتى دلوقتى .. ولو نزلت اجازة ابقى اديهونى ياعم .. ان شاء الله هتنزل وهتاخده ركب العربية وشق طريقه وصل وحدته ومسك سلاحه ووقف .. وساعة تجر ساعة ..وكأنه بيقرب من الميعاد واقف وعينيه زى الصقر ..مش راضى يرمش حتى .. والصحرا يمين وشمال وفى غمضة عين .. صوت عالى ودخان ..وعربيات بتجرى بسرعة .. وغدر من بنى آدم زيه ..وضربة رصاص من غير رحمة .. ومن غير حتى مايصرخ ولا يتألم ..ويقع السلاح ع الارض .. ونفس اللى بيحصل كل مرة مندوب من الوحدة يروح عند البيت والعربية ينزل منها اتنين اصحابه طالعين عند مين يابنى .. مش ده بيت المجند : ليث عبدالله ايوة هو .. احنا زمايله ..طب هو فين .. سؤال من غير رد ..يطلعوا البيت .. ويفضل عم فرج مركِّز عينيه على البلكونة ومفتَّح ودانه .. دقايق ويسمع صوات وعويل مراته .. وتطلع سلمى البلكونة وهى بتعيط .. وتطلع ايديها من بين حديد البلكونة برضه ..وتصرخ وهى بتعيط .. بابا .. دموعه هربت منه وهو بيفتكر الظرف ..جرى على المحل .. فتح الظرف ..لقى فيه عشرة جنيه وورقة مكتوب فيها ..هات لسلمى .. مصاصة فراولة ..ولبان نعناع .. وبسكوت شيكولاته وعصير ..وقو ل لها بابا بيحبك وهيفضل يحبك .. يصرخ عم فرج صرخة مرة وهو بيجيب كيس يحط فيه حلويات سلمى ..لو انت قاعد بتقرا اللى فوق ده على انه قصة خيالية .تبقى مش عارف الواقع .. دى قصة بيوت كتير انهاردة ..شبابهم واقفين على اكبر بوابة .. بتحمينى انا وانت ..وكل شخص غالى علينا .. فكر كدة ..لحظة انتهاء الاجازة .. وهو بيسلم على عيلته .. وبيحضن ابنه وبنته .. فكر كدة ..وهو بيوطى على ايد ابوه يبوسها .. وهو بيبص لأمه قبل ما يسلم عليها .. وسؤال بيتكرر ..ياترى السلام والوداع ده .. هيحصل فى الاجازة الجاية ..ولا ده اخر واحد .. لو قاعد هنا ونفسك تعمل حاجة ..عشان خاطر اللى بيموتوا كل يوم .. قوم هات ورقة بيضا ..واكتب فيها "مصر" وحطها فى الإنجيل او المصحف بتاعكغمض عينك دقيقة .. وقول له يارب احنا مش عايزين نتدخل فى ارادتك بس خلينا نتحمل كل اللى تبعته لنا ..من 46 سنة .. البلد دى ربنا نجاها من واحد من اعداءها ..بس خلى بالك .. لسة الاعداء ماخلصوش ..كل اللى واقف على الجبهة .. ليث عشان خاطر كل روح جوة البلد تفضل .. سلمى واكيد اللى هيصبر للأخر .. هيشوف بعينيه .. احلى .. فرج .. من عند ربنا .. 
|
|
06 - 06 - 2019, 01:49 PM
|
رقم المشاركة : ( 2 ) | ||||
|
† Admin Woman †
|
رد: مش هتاخر
عشان خاطر كل روح جوة البلد تفضل .. سلمى
واكيد اللى هيصبر للأخر .. هيشوف بعينيه .. احلى .. فرج .. من عند ربنا .. مشاركة جميلة جدا ربنا يبارك حياتك |
||||
|
|
|
08 - 06 - 2019, 12:41 AM
|
رقم المشاركة : ( 3 ) | ||||
|
..::| الإدارة العامة |::..
|
رد: مش هتاخر
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| تعبكم ليس باطلاً حتى لو الثمر إتاخر |
| هتاخر |
العرض العادي
