| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
17 - 05 - 2019, 03:40 PM
|
||||
|
||||
 تعالي اقولك تعملي ايه علشان تكوني ست بجد وتعرفي يعني ايه رقي 😉😉 1- متهزريش لحد ما تفقدي هيبتك. . أيوه متستغربيش الست لازم يكون ليها هيبة مش اي حد يتجرأ على الهزار معاها .. ولا كل أشكال الهزار تقبله .. وعلى فكرة ده لازم يكون وسط الجنسين مش علشان انتي في قعدة ستات يبقى مافيش حدود. 2- متتكلميش لحد ما اللي قدامك يصدع من تفاصيل كلامك ويشوفها مملة .. خلي كلامك محدد وعزيز زي فاكهة موسمية تروح لها النفس لما تغيب . ابتعدي عن اللك الغير هادف وخلي كلامك مختصر وفي شكل نقاط مركزة. 3- مش عيب انك متعرفيش حاجات كتير مش مطلوب منك تكوني بنك معلومات .. بس لو اتكلمتي لازم تعرفي الكافي عن الموضوع اللي بتتكلمي فيه .. مش عيب تقولي معرفش .. بس العيب انك تباني ساذجة. 4- متحشريش نفسك في تفاصيل حياة غيرك . . سيبي الحرية للي قدامك انه يقولك اللي هو أو هي عاوزين يقولوه عن نفسهم. . كتير من الأسئلة زي عندك اولاد أو انتي مخطوبة أو بتشتغل ايه اللي تبدو ليكي عادية ممكن تبدو إجاباتها محرجة لغيرك. 5- متنسيش طريقة جلوسك هي ثلث مظهرك .. مش لازم تتعوجي في قعدتك بس دايما خدي بالك من شكلها وعلى فكرة أقل الجلسات رقة هي اللي بتحطي فيها رجل على رجل .. شوفي حاجة تانية أكثر نعومة واناقة خصوصا وسط اصحابك. 6- الست .. ابتسامة .. مش اكتر من ابتسامة .. ولو حكمت يبقى ضحكة صوتها ميعديش ودانك لكن ضحك المعلمين ده وضرب ايدي على ايد اللي جانبي مع الالش ده اختراع ذكوري بحت . 7- مش مهم ابدا تكوني لابسه سنييه أو لبس غالي .. كفاية تكوني بسيطة وريحتك حلوه ووشك صافي ومتجانس ومختاره اكسسوارات مناسبة لوقت خروجك وافتكري أن اصعب انواع الأناقة ابسطها .. اشتغلي على ستايلك كل فترة وعيدي ترتيب أولوياتك فيه. 8- اوعي تتكلمي عن نفسك إلا إذا أطللب منك ده بسؤال مباشر .. لا تعليمك ولا ثقافتك ولا عيلتك ولا محلات الشوبنج بتاعتك تهم حد الا لو سأل عنها .. وياريت الإجابات تكون نبذة مختصرة علشان ميتقالش عليكي محدثة نعمه. 9- كوني لطيفة متسفهيش رأي حد ولا تغلطي حد الا في إطار ذوق ومجامل بلاش جملة الكلام ده غلط .. ممكن جدا تستبدليها مثلا أن الكلام غير دقيق .. الفرق كبير بين انك صريحة وانك قليلة الذوق. 10- كوني انتي 🙂 انتي اللي اشتغلتي عليها وطورتيها و ثقفتيها وعلمتيها. . محدش فينا بيتولد كامل لكن كلنا بنتولد قابلين للتعلم. 11-وأخيرا كوني واثقة من نفسك .. محدش من حقه يقيمك ولكن مراعاتك لأصول اللياقة دي لذاتك انتي ولصورتك انتي الراقية عن نفسك . . الأنوثة بتكمن في الرقي وغلطان اللي فهمك انها في حاجة تانية 
|
|
#2
17 - 05 - 2019, 04:20 PM
|
||||
|
||||
|
كوني واثقة من نفسك .. محدش من حقه يقيمك ولكن مراعاتك لأصول اللياقة دي لذاتك انتي ولصورتك انتي الراقية عن نفسك . . الأنوثة بتكمن في الرقي وغلطان اللي فهمك انها في حاجة تانية صح يا قمر ربنا يباركك حببتي
|
|
#3
18 - 05 - 2019, 12:15 AM
|
||||
|
||||
|
ميرسى على مرورك العطر 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| اهم قواعد و أصول الأتيكيت لتطوير الذات | sama smsma | قسم تطوير الذات | 32 | 08 - 03 - 2018 05:08 AM |
| الأتيكيت في العلاقة الزوجية | walaa farouk | بيت على الصخر | 3 | 20 - 04 - 2017 07:20 PM |
| الرقي | Mary Naeem | الصور العامة والمتنوعة | 0 | 28 - 06 - 2014 07:12 PM |
| الأتيكيت الخاص بارتداء الكعب العالي وتنسيقه مع الملابس | Mary Naeem | الأزياء والأناقة | 0 | 18 - 11 - 2013 04:21 PM |
| فن الأتيكيت في الصعود والهبوط علي الدرج | مريم فكرى | شبابيات الفرح المسيحى | 4 | 02 - 10 - 2012 10:17 AM |
العرض العادي
