يسوع اله شريك للمشاعر

[walaa farouk]

احساس انك لوحدك..احساس صعب وممكن يبلعك حتى ولو فيه ناس حواليك..

كاتب مزمور 102 عدَّى بالإحساس ده لدرجة إنه شبَّه نفسه ب 3 طيور
من أكتر الطيور اللي مليانة حزن وإكتئاب وشعور بالوحدة..

أول طائر شبه نفسه بيه بيقول عنه " أشبهت قوق البرية.."
قوق البرية هو البجع البري اللي عايش لوحده وغرقان في عزلة وشعور بالكآبة.

الطائر التاني: "صرت مثل بومة الخرب"
تخيل بيشبه نفسه بالبومة اللي بتعيش وسط الأماكن النائية اللي مفيهاش حياة ولا روح..
وضع صعب فعلاً..

الطائر التالت: "صرت كعصفور منفرد على السطح"
أي عصفور ماينفعش يحزن إلاّ في حالة واحدة وهي لما يفقد رفيقه..
لما يحس إن حبايبه مش موجودين..
تلاقيه ينعزل لوحده على السطح ويضم ريشه ووشه يشحب ويوطي راسه لتحت..

تشبيهات قاسية لكن معبرة عن الشعور بالوحدة والتخلية الإجبارية لأي مساند بنتسند عليها..

لكن الرائع إننا نلاقي رجاء وأمل يقدمهم كاتب المزمور ده..

بيقول "التفت إلى صلاة المضطر، ولم يرذل دعاءهم.
.
لأنه أشرف من علو قدسه. الرب من السماء إلى الأرض نظر. ليسمع أنين الأسير

، ليطلق بني الموت.."

شكرًا يارب لأنك إله شريك للمشاعر بتلتفت لصلاة المحزون والمكسور.
.
حبيب يسمع أنين اللي اتأسر بالوحدة وخيبة الأمل..

وفي النهاية يجي لسان التسبيح وتتبدل لغة الأنين بلغة شكر وحمد ..

" لكي يحدث في صهيون باسم الرب، وبتسبيحه في أورشليم.." مز102: 21

#مش_لوحدك😍

[Mary Naeem]

شكرًا يارب لأنك إله شريك للمشاعر بتلتفت لصلاة المحزون والمكسور.
.
حبيب يسمع أنين اللي اتأسر بالوحدة وخيبة الأمل\

مشاركة جميلة جدا
ربنا يبارك حياتك

[walaa farouk]

ميرسى على مرورك العطر