خدام ولكن

[walaa farouk]

أنا اسف فى اللى هقولوا ... اللى اكيد هيزعل (( خدام ))
بستغرب قوى لما بلاقى شله او مجموعه شباب .
. اعدادى بقى ثانوى .. جامعه .. أى سن ..
. و الاقيهم مرفوضين من كل الخدام ..
و ييجى خادم حامى الأيمان و يقولهم مثلا
يا تقعدوا باحترام يا تمشوا ...
او مثلا واحد جاى الكنيسه بشورت فيقولوا اتفضل اطلع بره ...
بستغرب جدا ثقته فى نفسه انه صح ...
بستغرب اكتر تأييد الخدام اللى حواليه
اللى هو برافو مشيته من الكنيسه ..
. بستغرب ازاى تمسك الخدام بالدكتور و المهندس
و الصيدلى و كل الفخر و الافتقاد و الاهتمام ..
و هو بيسلم عليه ... ازيك يا دكتوره فلانه .
.. ازيك يا بشمهندس فلان ... بستغرب التفرقه .
. و بستغرب عدم قبول الشخص اللى مش على مزاجك .
.. بستغرب الفخر لما انت كخادم تدخل فى نقاش مع واحد منهم
و تفحمه بالرد فتبقى مبسوط اوى من نفسك .
.. او هو يفحمك فى الرد فتتنرفز
و تقول جمل سخيفه محفوظه ملهاش ظ£ظ* لازمه
.. كأن ربنا بعتك علشان تغلب (( ولادك )) فى الخدمه ..
. بستغرب من ظ،ظ*ظ* تصرف بيحصلوا قدام عينيا
و بسمع عنهم و بشوفهم ...
و بستغرب الثقه التامه فى انك كده ماشى فى الطريق الصح ..
.. انت عارف انه بعد كام سنه كده ..
كل العيال دى مش هتفتكر الكلام اللى قولتوا
عن الايمان و العقيده و كلامك المفخم بس هيفتكروا افعالك .
.. عارف انك لما تتكلم عن المحبه
و متعملهاش فانت كده بالنسبه لكل الناس شخص منافق .
. بلاش الناس فكك منهم ..
. انت عارف انهم اسمهم ولادك فى الخدمه
و المفروض عليك انك تكسبهم ..
طيب انت عارف ان يسوع المسيح الاعظم منك
عدد ما لا نهائى من المرات ... اختار ناس بسيطه
... انت عارف ان هو أكل مع زناه و خطاه
و كان بيكلمهم و بيقبلهم عادى ....
انت عارف ان هو عمره ما رفض حد ..
و انه لما طرد ناس من الهيكل كان بيطرد ناس
حولوا الهيكل لمكان مش شبه اللى المفروض ...
اللى هو مستشفى للعيانين ..
. المختلفين .... الزناه و الخطاه
و تجار السلاح و المدمنين و ..و ... و ...
انت عارف ان السما بتفرح بخاطى واحد يتوب ...
طيب انت عارف ان انت بتقفل الباب على الخاطى الواحد ده
انه يتوب علشان انت بتقفل الباب فى وشه
اول ما بييجى بدل ما تاخده فى حضنك ...
طيب انت عارف انه بسببك و بسبب كلامك ..
. ان الولاد اللى انت بتفضلهم بيبقوا مغرورين
و مبكلموش الولاد التانيين الوحشين الكخه ..
مع ان المفروض انهم اخوات ...
كل ده حصل بسببك انت يا حامى الحمى يا اعظام خدام المسكونه

[Mary Naeem]

السما بتفرح بخاطى واحد يتوب ...
طيب انت عارف ان انت بتقفل الباب على الخاطى الواحد ده
انه يتوب علشان انت بتقفل الباب فى وشه
صح يا قمر
ربنا يباركك حببتي

[walaa farouk]

ميرسى على مرورك الغالى