رادار رباني

walaa farouk · رقم المشاركة : ( 1 ) 10 - 05 - 2019, 08:47 AM

الناس جواها رادار رباني، جهاز انساني دقيق جدا بيلقط ادق الاحاسيس من الناس ..

الناس بتحس بالصدق و الأمانة اللي فيك ما تفهمش ازاي :
ممكن من دفء صوتك ، براءة عينيك ، بساطة كلامك
، تلقائيتك..لكن قبل ده كله من "روحك العميقة"
اللي بتفيض بنسيم خاص ما لوش تفسير عند العلم ،
حاجة كده ربانية بتنقل اللي جواك للناس حتي لو كان كلامك قليل أو حتي من غير كلام ..

علشان كده الناس بتعرف الكداب، المنافق، المزيف، البخيل
، القتم و الرخم ، الطيب و الخبيث ، المتواضع و المتكبر..

طبعا ممكن في الأول يحصل شوية لخبطة فالرادار ما يلقطش الموجة اللي طالعة من الناس
و يفهم غلط ، لكن بعد شوية بيتنقي و يفهم صح..

خللي بالك الناس قارية كل اللي فيك كويس حتي لو حطيت ١٠٠ وش ،
و لو ناوي تستنصح يمكن تضحك عليهم مرة
، لكن ح تتكشف اسرع مما تتخيل ..

مش كده و لا ايه؟