زوادة اليوم: كلمة حب

[souad jaalouk]

زوّادة اليوم: كلمة حب
بيقولو انّو كلمة حب مؤلّفة من حرفين، ح بيرمز للحياة و ال ب للبقاء! يعني بقاء الحياة بيكون بالحب! الصوم هوّي زمن الحب! هالزمن كان فترة عبور حتّى نوصل للقيامة، للحب المطلق. نحنا مدعوّين اليوم نعيش هالشي بحياتنا بدون ما نتأثر بحدا. اذا انت حبّيت انسان لازم تعمل المستحيل حتّى يبقى بحياتك مش كل يوم بتلاقي ناس تحبّك و تتقبّلك متل ما انت بعيوبك قبل حسناتك! ما تخسر محبّة حدا او صداقة حدا كرمال اسباب سخيفة. لازم صداقتك و محبتك يكونو اقوى من اي ظروف تانية. الزوّادة اليوم بتقلّك حافظ عالناس اللي حولك و ما تخلّي حواجز بيحطّوها البشر توقف بينك و بين انّك تعمل الخيار الصح! فكّر بمنطق الله مش بمنطق الناس، اوقات الناس بيظلمو غيرن و بيكسرولن صورتن بعيوننا و مع الوقت منكتشف انّو هالأشخاص ما في منّن و الناس ما معن حق! الله معكن

[walaa farouk]

ميرسي على زوادة اليوم

[Ramez5]

مشاركة مثمرة ورائعه
ربنا يفرح قلبك ..

[Mary Naeem]

اوقات الناس بيظلمو غيرن و بيكسرولن صورتن بعيوننا و مع الوقت منكتشف انّو هالأشخاص ما في منّن و الناس ما معن حق
زوّأدى اليوم : كلمة حب