سكان عمارة يخصصون مرتبة لقطة وأولادها والأكل 5 نجوم

[Mary Naeem]

سكان عمارة يخصصون مرتبة لقطة وأولادها والأكل 5 نجوم

تعانى الحيوانات الأليفة التى تعيش فى الشارع مثل الكلاب والقطط من قسوة الطقس والبشر أحيانا، وقلة الطعام والشراب، فما بالك عندما تصبح أما ويكن لها صغار يحتاجون إلى الرعاية، هذا ماشعر به مجموعة من السكان الذين قرروا رعاية قطة بأولادها.

نشر محمود النجار أحد سكان العمارة، بوست على موقع التواصل الاجتماعى "الفيس بوك"، لصورة القطة وهى ترضع صغارها ونائمة على مرتبة وبجوارها أطباق من الطعام مثل الكوسة والأرز، فكتب "في قطة ولدت في الشارع عندنا و الناس في العماره قرروا انهم يساعدوها و يستضيفوها في مدخل العماره بس الموضوع كبر منهم شويه!".



تابع "فـى حد نزلها مرتبه و غطا و كل يوم الاقي اكل و شرب و لبن للاطفال قدامها وهي نايمه، و بتتعامل معاملة " لا انتي متمديش ايدك في حاجه لحد ما تقومي بالسلامة وتجيبلنا ولي العهد"، والنهاردة لقيت حد منزلها كوسه و رز!.. وحقيقي حاسس انهم هيعملوا سبوع و هنوزع مغات و كروت مكتوب عليها دلوع بابا و ماما و فصيلة الدم شربات مكرر ".
وأثار البوست إعجاب الكثير من رواد مواقع التواصل الإجتماعى، الذين تمنوا أن يسكنوا فى هذه العمارة، بسبب معاملة السكان للقطة، حيث كتب كريم بكر، :"مفيش شقة فى العمارة ..أنا عايز أسكن مع الناس دى ".

وبينما كتبت إيمان أسامة،:"ربنا يكرمهم ويرزقهم من فضله".

وكتب محمد صلاح:"ويرزقكم من حيث لاتعلمون"..ده رزق أكرمكم الله فى الدنيا والأخرة".