| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
15 - 02 - 2019, 10:40 AM
|
||||
|
||||
 بنت بتقول مرة كنا بنلعب أنا وصحبتي لعبة الصراحة سحبت ورقة وكان نصيبها "أكتر موقف وجعك فكراه؟ " قالتلي " أخويا كان خاطب صحبتي و نسي عيد ميلادها زعلِت أوي فبسرعة اتصلت بيه فكرته ، عاتبته وقالتله أكيد أختك هي إللي اتصلت بيك وقالتلك عارفة رد وقالها إيه؟ أختي مين دي بخيلة وجلدة هتخاف على رصيدها وتستخسر تتصل أصلاً أنا يومها وهي بتحكيلي وتضحك اتجمدت ابتسامتي وتعبيرات وشي حسيت إن الجو برد أووي و مش قادرة أوصفلك اتوجعت ازاي اتوجعت للدرجة اللي تخليني بعد السنين دي كلها وبعد ما اتجوزوا وخلفوا أفضل فاكرة الموقف ووجعه كإنه امبارح! إحساس وحش أوي لما حد قريب منك يكسر نفسك بكلمة و يجي عليكِ ويجرحك عشان مصلحته " . . وتانيه بتقول مرة خرجنا أنا وصحبتي نتغدا برة بصتلها وضحكت وأنا بقول هتطلبي كالعادة بيتزا ضحكت وقالت أيوووه بعدين اختفت ضحكتها وهي بتقولي تعرفي أنا بخترها على طول ليه؟ جاوبت ببساطة عشان بتحبيها زي حلاتي لمعت عينها وهي بتقول : " وأنا صغيرة كنت اسمع عن البيتزا ونفسي أدوقها أوي لدرجة إني أنا المعروف عني من صغري بتكسف أطلب حاجة من حد طلبت من أخويا يجبهالي أدوقها بس قالي مش معايا فلوس دلوقتي قولتله خلاص مش مشكلة بس بعدها بكام يوم خطيبته جت عندنا زيارة والكلام جاب بعضه و حكت قدامي عن خروجتهم وإنه عزمها في المطعم على بيتزا أنا يومها بعد ما مشيت فضلت أعيط زي ما يكون ماتلي حد ، ووسط عياطي خدت عهد على نفسي إني لما هكبر وأشتغل ويبقى معايا فلوس هشتري لنفسي بيتزا لحد ما أنسى كسرة نفسي في اليوم ده" ضحكت وبعدين كملت " وكبرت واشتغلت وباكل بيتزا كل شوية وللأسف لسه الكسرة دي ماتنستش شكلي هفضل اكلها لحد ما أموت هههههه بجد احساس وحش أوي لما تتعشمي في حد ويكسر نفسك، أصل كسرة النفس مالهاش دوا . . . . وبنت بتقول كنت قاعدة مع صاحبة ليا وسألتها هو إنتِ إزاي بعد ما كانت فلانة الفلانية زي توأمك بقيتِ ماتطقيش تسمعي اسمها؟! قالتلي" مرة كان أبوها تعبان وبتعيط عشانه، كنت زعلانة عشانها أوي وفضلت أواسيها وأحاول أضحكها وأخرجها من حزنها صرخت في وشي وقالتلي" وهتحسي بيا ازاي ما انتِ ابوكِ مات و ملكيش أب عشان تفهمي احساسي!! "عارفة حسيت انها على غفلة ضربتني بسكينة ف قلبي ، ضغطت على جرحي واستغلت نقطة ضعفي وهي عارفة كويس إن ده أكتر موضوع سيرته بتوجعني، ساعتها اتأكدت إن دي عمرها ما هتكون صاحبتي لإني ببساطة عمري ما هنسى وجع جملتها اللي علّم في قلبي ولإن الصحاب إللي بجد مهما حصل لا بيوجعوا ولا يكسروا ولا يستغلوا نقطة ضعف" " خدوا بالكم" كسرة النفس ملهاش دوا 
|
|
#2
15 - 02 - 2019, 12:37 PM
|
||||
|
||||
|
بجد احساس وحش أوي لما تتعشمي في حد ويكسر نفسك، أصل كسرة النفس مالهاش دوا .
صح يا قمر ربنا يباركك حببتي
|
|
#3
15 - 02 - 2019, 01:11 PM
|
|||
|
|||
|
هو احساس صعب قووووي
و فعلا كسرة النفس ملهاش دوا جميل قوووووووي
|
|
#4
22 - 02 - 2019, 06:14 PM
|
|||
|
|||
|
" خدوا بالكم" كسرة النفس ملهاش دوا
فعلا ربنا يبارك حياتك
|
|
#5
22 - 02 - 2019, 08:32 PM
|
||||
|
||||
|
" خدوا بالكم" كسرة النفس ملهاش دوا
|
|
#6
01 - 03 - 2019, 09:33 AM
|
||||
|
||||
|
ميرسى لمروركم الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| أنقلنا من كسرة النفس | walaa farouk | موسوعة توبيكات مميزة | 0 | 08 - 11 - 2023 06:28 AM |
| كسرة النفس هو وجع صامت | katea | موسوعة توبيكات مميزة | 3 | 24 - 03 - 2022 06:36 PM |
| ارحمنا من كسرة النفس | walaa farouk | موسوعة توبيكات مميزة | 3 | 16 - 02 - 2019 07:39 PM |
| كسرة القلب ملهاش صوت | walaa farouk | موسوعة توبيكات مميزة | 2 | 23 - 01 - 2018 07:33 PM |
| عــن كسرة النفس والوجع :)) | Mary Naeem | شبابيات الفرح المسيحى | 5 | 06 - 01 - 2014 12:37 PM |
العرض العادي
