زوادة اليوم: لو ما كنتو ناس

[souad jaalouk]

زوّادة اليوم: لو ما كنتو ناس
بيخبرو عن معلمة طلبت من تلاميذها يكتبو موضوع تعبير كتابي و السؤال كان: لو ما كنتو ناس شو كنتو بتتمنّو تكونو و ليش؟ في وبنت زغيرة سألتها اذا بتقدر تنقي شغلتين قالتلها اكيد و صار عندها حشرية تقرا ورقتها. هيّي و عم تصحّح الوراق تاني يوم صارت تشوف امنيات التلاميذ منّن تمنّى يكون نسر بيطير عالعالي منّن نمر لأنّو قوي كتير منّن زهرة ملوّنة لأنها حلوة، منّن بدّو يكون جرّافة كبيرة منّن بدّو يكون سيارة سريعة...وصلت ورقة هالبنت، تعجّبت المعلمة من اللي شافتو...هالبنت بتحب تكون: ارغيلة و موبايل و بتكمّل و بتقول انّو هيّي اختارت هالشغلتين لأنّو اهلها بيحبّوهن اكتر شي و كل الوقت بيضلّو يأرغلو و ماسكين الموبايل من وقت ما يوصلو عالبيت حتّى ينامو و مش منتبهين انها موجودة و ما بيهتمّو فيها و لا بيسمعوها!...الزوّادة اليوم بتقلنا انّو هالأهل متل كتار من اهلنا اليوم لازم نذكّرن انّو ولادنا هنّي مستقبل وطننا و امل بكرا ما تخلّو شي يلهيكن عنّن...قد ما بتعطوهن بيعطوكن، و شو ما زرعتو فيهن رح تقطفو بعدين...الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

قد ما بتعطوهن بيعطوكن، و شو ما زرعتو فيهن رح تقطفو بعدين

مشاركة جميلة جدا
ربنا يبارك حياتك